د (نکاح) نورې ليکنې
تازه سرليکونه
بېلابېلې ليکنې
د طلاق عده
د طلاق عده د درو حیضونو یعني د درو ښځینه میاشتنیو ناروغیو په تېرېدلو پای ته رسیږي .
خو که ښځه حامله وي یعني اولاد يې په نس وي ، د هغې د طلاق او د وفات عده د اولاد په زیږوني پای ته رسیږي ، تر څو چي اولاد یې په نس وي دا ښځه په عده کي بلل کیږي .
د رجعي طلاق په عده کي ښځه سینګار کولای سي ښه دا ده چي په ځان زینت او سينګار وکړي تر څو مېړه یې رجوع ورته وکړي ، همدا راز مېړه ته يې په کار ده چي د دې د خبرتیا پرته خوني ته ناڅاپي ور نه ننوځي .
ښځه چي د طلاق یا د وفات په عده کي وي د هغې سره د بل چا نکاح نه صحیح کیږي .
البته سړی کولای سي چي د خپلي ښځي سره د اول یا دوهم طلاق په عده کي نکاح وتړي .
د بېلګي په ډول که څوک ښځي ته بائن طلاق ورکړي او دا یې اول یا دوهم طلاق وي نو په عده کي دننه لا هم نکاح ورسره نوې کولای سي ، خو د خپل مېړه څخه پرته دا ښځه د بل چا سره تر هغه مهاله نکاح نسي تړلای ، تر څو چي عده یې تېره سوې نه وي .
ماخذ: فقه المبتدي، دوهم ټوک- نکاح
مؤلف: مولوي محمد عمر خطابي
ورته ليکنې:
تبصره
