د (نکاح) نورې ليکنې
تازه سرليکونه
بېلابېلې ليکنې
انت علی حرام (نکاح)
که څوک خپلي ښځي ته ووایي : انتِ علی حرام یعني ته پر ما حرامه یې .
دلته د سړي نیت ته کتل کیږي که د یوه طلاق په اراده يې دا وینا ښځي ته کړې وي نو یو طلاق لویږي ، که د درو طلاقو په نیت يې کړې وي درې طلاقه په واقع کیږي .
که دا وینا يې د ظِهَار په نیت کړې وي نو ظِهَار په واقع کیږي دا چي ظِهَار څه ته وايی او څه حکمونه لري دا په راتلونکو پاڼو کي ان شاء الله د ظِهَار په باب کي درته بیانیږي .
خو که د دې وینا څخه یې تحریم یعني حرمت مراد وو بیا د ایلاء حکم لري ، همدا ډول که د هیڅ شي اراده يې نه درلودل همداسي يې دا وینا کړې وه هلته هم دا وینا د ایلاء حکم لري .
که د همدې وینا څخه وروسته د څلورو میاشتو په دننه کي د ښځي سره نژدېکت وکړي د قسم کفاره به ورکوي او که ددې وینا څخه وروسته څلور میاشتي پر تېري سي او د ښځي سره هیڅ نژدېکت و نه کړي نو یو بائن طلاق په لویږي .
ماخذ: فقه المبتدي، دوهم ټوک- نکاح
مؤلف: مولوي محمد عمر خطابي
ورته ليکنې:
تبصره
