د (نکاح) نورې ليکنې
تازه سرليکونه
بېلابېلې ليکنې
کنايي الفاظ او د نشې او زور طلاق
بل مطلب
د طلاق صريح كلمې كه په يو نوع زياتوب يا صفت موصوف او وستايل سي بيا د كنايي الفاظو حكم پيدا كوي او بائن طلاق په واقع كيږي .
د مثال په ډول په انتِ طالق يو رجعي طلاق واقع كيږي خو كه د بائن صفت ورسره ذكر سي داسي ورته ووايي :
انتِ طالق بائن يعني ته په بائن طلاق طلاقه يې نو دلته بيا بائن طلاق په واقع كيږي .
دغه ډول په انتِ طالق اشدَ الطلاق ته په سخت طلاق طلاقه يې .
انتِ طالق كالجبلة ، ته د غره په شان په طلاق طلاقه يې هم بائن طلاق واقع كيږي .
د نشې او زور طلاق
د حرامي نشې په حالت كي كه څوك خپلي ښځي ته طلاق وركړي نو طلاق يې واقع كيږي د مثال په ډول يو څوك قصدا شراب وچښي يا په چرسو او ترياکو نشه سي .
البته كه څوک په جايز ډول نشه سوى وي ، د بېلګي په ډول د جراحي عملياتو د پاره د نشې پيچكارۍ ور ولګوي او نشه سي ، د همدې نشې په حالت كي که ښځي ته طلاق وركړي ، نو طلاق يې نه واقع كيږي ځکه دا په جايز طريقه نشه کېده دي .
د مُكرَه طلاق هم واقع كيږي يعني كه يو څوك د بل چا لخوا تهديد سي او په زور يې اړ باسي ، چي و خپلي ښځي ته طلاق په واچوي دا طلاق هم واقع كيږي .
ماخذ: فقه المبتدي، دوهم ټوک- نکاح
مؤلف: مولوي محمد عمر خطابي
تبصره
