غل څوک دي
حاجي عبدالحميد ارغندابي
غل هغه چاته ويل کيږي چي د نورو خلکو د زيار او کار محصول يعني مال او شته په توره شپه يا په سپينه ورځ لوټوي د توري شپي غل خولا د ويري او خطر احساس کوي ځکه هغه نه غواړي چي د مال خاوند يې د غلا په وخت په توره شپه کي هم څيره وپيژني اوسبا سهار يې د کړو وړو په هکله پوليسو ته کره معلومات ور په ګوته کړي ترڅو پوليس يې د نيولو له پاره په عمل لاس پوري کړي د توري شپې غل بيا هڅه کوي چي خپل هويت پټ وساتي ځکه نو د غلا په وخت کي د هر ډول مهارتونو او تاکتيکونو څخه کار اخلي ترڅو خپله پيژند ګلوي ګرانه کړي او پولس يې په نيولو کي د يولړ ستونزو او مشکلاتو سره لاس او ګريوان سي.
د دغه اصل له مخي ويلاي سو، چي د توري شپي غل هم د کورخاوند او هم د پوليسو څخه د ډار احساس لري خو د سپيني ورځي غل هرڅه په روڼه ورځ په ډاډه زړه ترسره کوي هغه نه د پوليسو ويريږي نه د قاضي او مفتي د فتوا او شرعي فيصلې څخه ډاريږي، د سپيني ورځي غل د توري شپي له غله نه خطرناکه وي ځکه دا د ولس د بد مرغۍ مجرم دئ او دا بل بيا د يوې کورنى په بدمرغۍ ګرم دئ.
