د (روغتيا پالنه) نورې ليکنې
تازه سرليکونه
بېلابېلې ليکنې
په اسلام او ټولنه کي د نشې زيانونه ۲
په اسلام او ټولنه کي د نشيي توکو زيانونه (۲) برخه
ليکوال : مولوي عصمت الله عزام
بسم الله الرحمان الرحيم
نحمده و نصلی علی رسوله الکريم امابعد :
۸ : نشه کول د الله پاک او د رسول الله صلی الله عليه وسلم نافرماني ده .
۹ : نشه کول د ستر او تاريخي دُښمن شيطان خوشحاله کول او دهغه سره دوستي کول دي .
۱۰ : نشه کول له انسان څخه د حياء او شرم صفت ختموي .
کله چي له انسان څخه شرم او حياء لاړه، بيا د هيڅ پرواه نه کوي او په ډول ډول گناهونو کي مُبتلاء کېږي او همدا راز بيا له سوال کولو او غلاوو هم مخ نه اړوي .
۱۱ : نشه د انسان د کورنۍ په ژوندانه، تعليم او اخلاقو ټولو ناوړه او اغيزناک اثر کوي .
۱۲ : نشه كول د حافظې د کمزورۍ او د نسيان او هيري د ډېروالي لامل دی .
۱۳ : مخدره مواد د ساه بندئ مرض پيداکوي .
۱۴ : د سينې ډېر ډول ناروغۍ ترې پيدا کيږي .
د سينې د حساسيت مرض له مخدره توکو څخه په عمومي توگه او له مورفينو،هيروئينو او چرسو څخه په خصوصي توگه پيدا کېږي .
همدا راز ټوخی ترې پيدا کيږي, بلغم ترې پيداکيږي .
۱۵ : نشه کول د بې روزگارۍ او بې کارۍ ستر لامل دی .
کار کول ور ته گران وي او څوک کار هم نه ور کوي ځکه اعتبار پرې نه کېږي .
۱۶ : مخدره مواد استعمالول د انسان په هضمي طاقت اثر کوي او د خوراک هضمول ور ته گرانېږي .
۱۷ : نشه د ټي بي يا نري رنځ د پيداکېدو لامل گرزي .
۱۸ : وينه وچوي .
۱۹ : د سرطان يا کېنسر د ناروغۍ لامل دی .
۲۰ : نشه کول د زړه د مختلفو ناروغيو لامل دی، لکه د زړه درېدل، د زړه د والونو سختېدل او د ويني د فشار لوړوالي .
نور بيا ...
و صلی الله علی نبينا محمد و علی آله و اصحابه اجمعين
ورته ليکنې:
تبصره
