ژباړه: بخت محمد معتصم بالله / تعلیم الاسلام ویب پاڼه
عربي ژبه په جزیرة العرب کي د اسلام نه وړاندي رامنځ ته سوه ، او عربي په هغه وخت کي په مختلف قومونو او قبیلو کي ویل کیده او د بعضو قومونو د پاره ځیني خاصي لهجې وې چي ددغو لهجو ترمنځ لږ غوندي توپیر وو.
خو د عربو ترمنځ چي یوه مشترک ژبه او لهجه وه هغه فصیحه عربي ژبه وه. دا فصحیه عربي د شعر او د خطابت ژبه وه ، چي عربو په هغه سره خبري او اتري کولې. وروسته چي اسلام راغلی قرآن کریم الله جل جلاله په فصیحه عربي ژبه نازل کړی ، لکه څنګه چي الله تعالی فرمايي:
(إِنَّا أَنزَلْنَاهُ قُرْآنًا عَرَبِيًّا لَّعَلَّكُمْ تَعْقِلُونَ) الایة
قرآن کریم د عربي ژبي و ځينو قدیمي الفاظو ته نوي معناګاني ورکړې او نوي طریقې يې ایجاد کړې ، چي تر دې مخکي عربي ژبي دا بدلونونه نه پېژندل. د عربي علومو په ایجاد او تحقیق کي قرآن کریم لویه ذریعه او سبب وګرځېدی لکه : علم النحو ، علم الصرف ، بلاغت... او همدارنګه نور اسلامي علوم لکه : علم التفسیر ، علم الحدیث اوعلم الفقه او داسي نور...
عربي ژبي د اسلامي امت د ولسونو او قبایلو پر نورو ژبو پراخ اغېز وکړئ، لکه : پښتو، فارسي ، اردو او سواحلي . او دې ژبو ډیر الفاظ د عربي څخه په قرص وا خیستل ، او په دغو کي ډيري ژبي په عربي حروفو او لغاتونو ولیکل سوې ، او نورو ژبو ته يې بعضي عربي الفاظ ورکړل لکه : انګلیسي، فرانسوي او هسپانوي. (ماخذ: العربیة بین یدیک:۲)
ــــــــــــــ
د دیني علم لپاره د عربي ژبي زده کړه
د عربي ژبي دخیل کلمات تحریفول
