جزا د عمل مطابق ده

ژباړه: عبدالسلام حنفي / تعلیم الاسلام ویب پاڼه

لکه څنګه چي عمل کوي همداسي به جزا درکول کیږي.

یو کس ددې اراده وکړه چي خپله ښځه ووهي ، نو  په خپله همساء (لګړه ) يې یو څو واري ووهله نو ددې وهلو څخه ناڅاپې مړه شوه خاوند یې هم د قتل اراده نه لرله بلکي غرض يي له وهلو څخه تأدیب وو،  نو کله چي دا پیښه وشه  نو خاوند د ښځي له اقرباء وو څخه  په بیره کي شوو ، او د ځان د خلاصون لپاره يي هیڅ تدبیر پیدا نه کړي.

 نو د خپل کور څخه ووتلۍ او دا کیسه یې د خپلو ملګرو څخه یوه ملګري ته وکړه  نو دغه ملګري یې ورته وویل ،  چي ستا د خلاصون لاره دا ده چي  ته یو ښایسته صورته ځوان پيدا کړي او کور ته یي د میلمه  په بهانه بوځي ، او بیا یي په خپل کور کي سر پري کړي، او جسد يي د خپلې ښځې له جسد سره نژدي  کیږدي، او د ښځي خپلوانو ته ووايي چي ما د خپلې ښځي سره دغه ځوان په داسي حالت کي ولیدلي چي زنا یي کوله ، نو ما د دې برداشت ونه شوي کړي نو دواړه مي قتل کړل،

 کله چي يي دا چم له دې کس څخه زده کړي ، د خپل کور په دروازه کي کښیناستۍ، تر دي پوري چي یو ځوان راغي، نو په ډیره تلوار سره يي هغه په یوه چم کور  ته داخل کړي ،   کله چي يي کور ته داخل  کړي نو سمدلاسه يي قتل کړي ،  نو کله چي د ښځې اقرباء او دوستان راغلل ، او دواړي جنازي يي ولیدلي ، او  دا کیسه يي ورته وکړه ، نو د ښځي دوستان راضي شول ، او د خاوند له کور څخه ولاړل ،  

او دغه ځوان  چي د ښځي خاوند قتل کړي وو  د هغه کس زوي وو  کوم چي يي د ښځي خاوند ته  د یوه ځوان د قتلولو مشوره ورکړي وه ، 
نو  دغه ځوان په دي ورځ خپل کور ته ورنغلي ، د پلار يي هم  اندیښنه شوه او سمدلاسه د هغه کس کور ته راغلي چي ښځي او ځوان يي قتل کړي وو ، او د هغه څخه يي پوښتنه وکړه چي ما کومه مشوره  درکړي وه ، هغه د عملي کړه او کنه ؟  هغه کس ورته وویل چي هو ،
نو دغه مشوره ورکوونکي ورته وویل چي تاسو یو وار هغه ځوان ما ته راښکاره کړي کوم چي مو وژلي دي، 

کله چي يي هغه ځوان وراته  ښکاره کړي هغه د ده زوي وو ، او د خپل پلار د مشوري ورکولو په سبب قتل شو ، پاته سو خپله قاتل، د هغه سزا خو قرانکریم اعلان کړې ده چي د قصدي قتل خاوند جهنمي دی. 

نو دا واقعه د علي رضي الله عنه د هغه قول مصداق ده چي وايي:چا چي د بغاوت د توري سوال وکړي په همغه توره به قتل شي،
چا چي د خپل ورور لپاره  په لاره کي کوهي وکیندلي په خپله به په هغه کوهي کي ولویږي

او چا چي د بل مسلمان د ښځینه وو بي حجابي وکړه او په بد نظر یي ورته وکتل نو د خپل کور د ښځو بي عزتي به يي وشي.

 www.taleemulislam.net