د الله دوست جوړ سه او د ایمان په خوند پوه سه!

لیکنه : مولوي نورالحق مظهري/ تعلیم الاسلام ویب پاڼه 

عَنِ ابْنِ عَبَّاسٍ قَالَ: أَحِبَّ لِلَّهِ، وَأَبْغِضْ لِلَّهِ، وَعَادِ فِي اللهِ، وَوَالِ فِي اللهِ، فَإِنَّهُ لاَ تُنَالُ وِلاَيَةُ اللهِ إِلاَّ بِذَلِكَ، وَلاَ يَجِدُ رَجُلٌ طَعْمَ الْإِيمَانِ وَإِنْ كَثُرَتْ صَلاَتُهُ وَصِيَامُهُ حَتَّى يَكُونَ كَذَلِكَ، وَقَدْ صَارَتْ مُواخَاةُ النَّاسِ الْيَوْمَ فِي أَمْرِ الدُّنْيَا، وَذَلِكَ مَا لاَ يُجْزِئُ عَنْ أَهْلِهِ شَيْئًا يَوْمَ الْقِيَامَةِ.[الزهد لإبن مبارک 353]

ژباړه: عبدالله ابن عباس رضي الله عنه فرمايي: د الله لپاره محبت وکړه، د الله لپاره بغض وکړه، د الله لپاره دښمني وکړه او د الله لپاره دوستي وکړه ځکه د الله پاک دوستي بېله دغه شيانو بل په هيڅ شي لاسته نه راځي او هيڅوک د ايمان خوند تر هغه وخت پوري نسي حاصلولای کڅه هم ډېر لمونځونه وکړي او ډېري روژې ونيسي تر څو چي دغسي نوي. خو نن د خلګو ورورګلوي د دنيا په کارونو کي ده او دغه دوستي د قيامت په ورځ د خپل خاوند څخه هيڅ شی نسي دفع کولای.

يعني که څوک غواړي د الله پاک دوست جوړ سي او د خپل ايمان په خوند وپوهيږي نو خپل محبت، بغض؛ دوستي او دښمني ټوله دي د الله لپاره وکړي د بل دنيوي غرض لپاره دي نکوي ځکه د دنيوي غرض لپاره هيڅ عمل د انسان په درد باندي نه خوري.

ماخذ : اسلامي مقالي 

www.taleemulislam.net