تازه سرليکونه
د (حکايات) نورې ليکنې
تازه سرليکونه
بېلابېلې ليکنې
دقیامت د ورځي د راتګ علامه
  تعلیم الاسلام ویب پاڼه
  February 24, 2021
  0

دقیامت د ورځي د راتګ علامه 


لیکنه : نصیب الله : تعلیم الاسلام ویب پاڼه 


په صحیح بخاري کي له حضرت ابوهریره (رضي الله عنه)څخه روایت دی چي یو وخت نبي کریم (صلی الله عليه وسلم) په یومجلس کي تشریف درلود ، له خلګوسره په خبرو اخته ؤ چي یوصحرایی راغی اوپوښتنه یې وکړه صاحبه ! قیامت کله راځي ؟ 


رسول الله (صلی الله عليه وسلم) هماغسي له خلګوسره په خبرو مصروف ؤ ، ږغ یې ونه کړ.


له دغوناستو خلګوڅخه یوه هغه بل ته وویل : دغه سی چي کومه پوښتنه وکړل ، زما یقین دی هغه جناب رسول الله (صلی الله عليه وسلم) واوریدل لیکن دا پوښتنه یې خوښه نه کړل اوځینوبیا وویل چي ده مبارک د هغه خبره وانه وریدل ځکه یې ږغ ونه کړ .

 

هغه ؤ چي ده مبارک خپلي خبري پای ته ورسولې ، نو یی وفرمایل : اې خلګو! هغه شخص څه شو چي د قیامت په باره کي يې پوښتنه کول؟ هغه سړی ولاړشو ، ویل یا رسول الله (صلی الله عليه وسلم) زه دغه یم .

 

وروسته ده مبارک ورته  وویل: کله چي په خلګوکي د امانت ضائع کول پيل شي ، نود قیامت انتظار ولره ، هغه سړی وپوښتل یا رسول الله ! د امانت ضائع کول څرنګه وي؟ 


ده مبارک وفرمایل : د امانت ضائع کول دا دي چي نا اهله کسانو ته وظائف اوکارونه وسپارل شي ، خلګ و داسي رتبو ته پورته کړل شي چي دوی د هغه هیڅ اهلیت نه لري ، مطلب دا چي کله کاراهل کار ته ونه سپارل شي ، نوبس ته هم قیامت ته منتظر اوسه ، همدا د قیامت د راتګ علامه ده .

(صحیح بخاري ، کتاب العلم ، باب من سئل علما وهو مشتغل فی حدیثه فأ تم الحدیث ثم أجاب السائل)


ماخذ : افضل ٌ الحکایات


www.taleemulislam.net

سرته