د حضرت سلیمان علیه السلام په زمانه کي د دوو ښځو قصه
لیکنه : محمد شفیق /تعلیم الاسلام ویب پاڼه
په بخاري او مسلم کي له ابو هریره رضي الله عنه څخه روایت دی چې نبي کریم صل الله علیه وسلم و فرمایل په پخوا زمانه کي یو دوي ښځي وې ، یوه مشره وه او بله کشره ، یو وخت دواړو یو زوی وزیږاوه ، دوی خپل دغه کوچنی یو ځای پرې ایستلي وه چي کتل یې یو شرمښ راغی له د غو دوو کوچنیانو څخه یې یو پورته کړ او یو وړ .
مشري ښځي خپلي ملګري کشري ښځي ته وویل شرمښ ستا زوی یو وړ ، دغه اوس چي کوم هلک پروت دی دا زما دی ، دا بلي وویل نه داسي نه ده ، بلکي شرمښ ستا زوی یو وړ ، د غه هلک زما دی ، وروسته دوی دواړي د فیصلې لپاره حضرت داؤد علیه السلام ته ورغلې ، هغه د مشري ښځي په حق کي فیصله وکړل ، خو په دې فیصله کشره قانع نه شول ، نو هغه ؤ چي د حضرت داؤد علیه السلام زوی حضرت سلیمان علیه السلام ته ولاړې ، هغه د مشري ښځي دا واقعه بیان کړل ، چي ستا پلار زما په حق کي فیصله وکړل ، لیکن دا يې بیا هم نه مني ، هغه ورته و فرمایل : ستا سي ترمنځ فیصله ډیره مشکله ده ، د حل لپاره يې صرف یوه لاره شته هغه دا ده چي زه چاړه راخلم هلک دوې ټوکړې کوم ، بیا يې تا سي ته د ر تقسیم وم .
په دې وخت کي کشره ښځه په ژړا شول ویل نه نه صاحب داسي مه کوه ، الله جل جلا له دي پر تا رحم وکړي ، دغه هلک د دا بلي ښځي دی ، ما غلطه دعوه کړې ده ، دې ته به يې ورکړه ، زه يې نه غواړم ، زه ستا پلار پر فیصله با لکل راضي یم .
د دې خبري په اوریدلو سره حضرت سلیمان علیه السلام ته د خبري حقیقت معلوم شو ، نو د کشري ښځي په حق کي يې فیصله وکړل او هغه کوچني یې هغې ته ور کړ .
ماخذ : [ صحیح بخاري ، کتاب الفرائض ، باب اذا ادعت المراة ابنا ، و صحیح مسلم ، کتاب لاقضیة ، باب اختلاف المجتهدین ]
www.taleemulislam.net
