تعلیم الاسلام ویب پاڼه

د پانگوالۍ او سوسیالیزم د سیاسي اقتصاد ترمنځ اصولي توپیرونه سته. دا توپیرونه، د پانگوالي او سوسیالیستيي توليدي مناسباتو د بنسټيزو توپیرونو څخه را پیدا سوي دي. سیاسي اقتصاد د سوسياليزم د مادي او تخنیکي بنسټونو د ودي له لاري، د شکلونو، شرایطو او سوسیالیستي تولیداتو له پراختیا د کمونیزم مادي او تخنیکي بېخبنا ښيي. سیاسي اقتصاد، توليدي مناسبات د خوځښت او د توليدي عواملو له تکامل سره په اړیکه کي ښيي او د هغوی د اغیزمنتوب لوړیدل سره مطالعه کوي. د مادي او تخنیکي بنسټونو تكامل له اقتصادي اړخه څيړل کیږي، چي دا چاره د پدیدو او اقتصادي پروسو د کمي او کيفي شرحي لپاره د رياضي او احصاوي میتودونو څخه گټي اخیستني ته اړتیا پیدا کوي.

سوسیالیزم د ودانۍ جوړښت اوږد تاريخي مزل غواړي. د بېلگي په ډول، په شوروي اتحاد کي سوسیالیستي انقلاب د ۱۹۱۷ کال په اکتوبر کي بریالی سو، خو د پرمختللي سوسیالیستي ټولني جوړول، په شپېتمه لسيزه کي ترسره سول. زموږ په  وخت کي، هیوادونو کي، د پرمختللي سوسیالیزم ودانۍ د رغولو په حال کي سیاسي اقتصاد، د علومو د یوې څانگي په ډول، ددا جوړښت تجربې پخې کوي او په ټولو هیوادونو کي د ودي د بیلابیلو پړاوونو پر مهال، د هر هیواد ځانته جلا شرايطو ته په پام سره،موږ ته د سوسیالیزم د جوړولو عمومي قانونمندی راښيي.

کمونستي ټولنه د خپل تکامل په پړاوونو کي دوه پړاوونه وهي، چي يو د سوسیالیزم او بل د کمونیزم دی. دواړه پړاوونه، د گډو مناسباتو درلودونکي دي، خو هر يو يې ځانته د خپلو ځانته جلا مناسباتو لرونکي هم دي. د سوسیالیزم تر واکمنۍ لاندي، داسي توليدي مناسبات حاکم وي، چي د عالي کمونستي ټولني په پړاو کي به نه وي لکه د توکو - پیسو مناسبات، د کار په اندازه ویش او نور، له بلي خوا څخه د کمونستي مناسباتو پر مهال، داسي توليدي مناسبات منځ ته راځي او وده کوي، چي په سوسیالیستي ټولني کي به نه وي. پر دې اساس سوسیالیزم او کمونیزم، د هغو توپیرونو سره – سره يوه ټولنه ده، خو د تکامل په دوو پړاوونو کي. د سوسیالیزم د سیاسي اقتصاد په علم کي، هم د سوسیالیزم او کمونیزم مشترکي ځانگړني او هم د سوسیالیزم مشخصات راځي. سیاسي اقتصاد سوسیالیستي توليدي مناسبات د هغوی د خوځښت پر مهال ښيي او په کمونستي مناسباتو باندي د هغوی د اوښتون تگلاري روښانوي.

ماخذ : د سوسیالیزم سیاسي اقتصاد