لیکنه : علي الله متوکل / تعلیم الاسلام ویب پاڼه
دوې دقیقې وخت دي راکړه، پر دا لیکنه به پښېمانه نه سې
ګوره! هر څه ځانته ښکلا لري، خو د بشر ښایست د هیڅ ښایست او ښکلا سره برابر نه دئ. د الله تعالی و دې خلقت ته ګوره، ښځه ئې مینه ناکه، لطیفه او نرمه پیدا کړې ده.
ښځي ته اسلام بیخي زیات عزت ورکړ، هغه داسي:
عربو ناځوانانو ژوندۍ ښخولې، د پخواني چين په قانون کي ذکر سوي وه، چي ښځه د نړۍ پر مخ تر ټولو بې ارزښته موجود دئ، رومیانو ورته د نا اهله لقب ورکړی وو او په پنځمه پېړۍ کي مسیحانو پر دې بحث کاوه چي ایا ښځه د نارینه په څېر روح لرونکی جسم دئ او که نه؟ او کوم اروپایانو چي نن موږ ته د ښځي حقوق را ښيي، هغوی تر اتلسمي پېړۍ پوري میراث نه ورکوی. اسټرالیا په شلمه پېړۍ کي د رایي ورکولو حق نه ورکوی، خو زموږ د خلیفه ګانو دربارونه د حضرت عايشې په مشورې چلېدل.
اوس نو جالبه دا ده!
په کفري ټولنه کي د حیواناتو غوندي کار ځني اخلي؛ بې حجابه ئې ټولني ته وړاندي کوي، د جنسي الې (Sex Machine) په سترګه ورته ګوري، د ورځي پر سړکونو ټکسي په چلوي او د شپې د ډیسکوګانو سټېجونه او د پیسه دارو چپرکټونه په ګرموي.
نو اسلام څه وایي! ؟
نارینه ئې په دې مامور کړ، چي ښځي ستاسي لوی حمایت دئ او د نارینه د کږېدو پر مهال ئې د هغه لپاره لکړه وبلل. په قران کریم کي فرمایي:
هُنَّ لِبَاسٌ لَكُمْ وَأَنْتُمْ لِبَاسٌ لَهُنَّ. (سورة البقره:۱۸۷)
ترجمه: هغوئ ستاسي جامه (پوښاک) ده او تاسي د هغوی جامه یاست.
پلار ته وایي: د لور په خاطر به جنت ته ځې
اولاد ته وایي: مور تر ټولو زیا حق لري
خاوند ته وایي: نکاح وکړه، د ګناهونو څخه به خلاص سې.
زموږ هیواد کي بیا د مارچ اتمه لنګه غوا ده:
-د درې زرو افغانو بېنرونه چاپ کړي، شل زره واخلي.
-د زرو افغانو کیک او شیدې کښېږدي، لس زره یې ولیکي.
-د عزتمندو خویندو تصویرونه په پرګرامو کي واخلي، پر فیسبوک ئې کښته پورته کوي.
-د ښځو چارو رئیسه به خپله په ضدمرمۍ موټر کي د لسو کسانو بارډیګاډانو سره و غونډي ته حاضره سول، خو ښځو ته به ېئ ویل؛ امنیت مو نیسم او بیا د تعلیم او کار غوړي غوړي وعدې به ئې هم پسې ورکړې.
#نوټ: اسلامي اِمارته!! د ښځو اسلامي حقوق ټول ورکړه، ښځه زموږ د ټولني نیمه برخه جوړوي، پام کوه، چي د کفري دامونو ښکار نه سې.
#بل_نوټ: ښځو! حیثیت مو خوندي کړئ؛ د احمد شاه بابا او میرویس نیکه څخه زرغونې بي بي او نازو انا، شاهان جوړ کړل.
