د شکر آداء کول 

مولوي نورالحق مظهري/ تعلیم الاسلام ویب پاڼه 

عن النعمان بن بشير قال قال النبي صلى الله عليه و سلم على المنبر: من لم يشكر القليل لم يشكر الكثير ومن لم يشكر الناس لم يشكر الله التحدث بنعمة الله شكر وتركها كفر والجماعة رحمة والفرقة عذاب.[مسند احمد18472]

ژباړه: نعمان بن بشير رضي الله عنه وايي: رسول الله صلی الله عليه وسلم پر منبر وويل: څوک چي د لږ شکر آداء نکړي د ډېر شکر يې نه دی آداء کړي او څوک چي د خلګو شکر آداء نکړي د الله تعالی شکر يې هم نه دی آداء کړی، د نعمت يادونه شکر دی او پرېښودل يې ناشکري ده او د جماعت سره اوسېدل رحمت دی او د جماعت څخه جدا کېدل عذاب دی.

توضيح: نعمت که هر څومره لږ وي انسان يې بايد شکر آداء کړي که څوک د لږ نعمت شکر آداء نکړي نو د ډېر نعمت شکر يې هم نه دی آداء کړی، همداسي د کوم کسانو څخه چي انسان ته خير رسيږي د هغو شکر هم بايد آداء کړي کوم څوک چي د انسانانو شکر نه آداء کوي هغه د الله تعالی شکر هم نه دی آداء کړی، او چي الله تعالی بنده ته کوم نعمت ورکړي بنده بايد د هغه نعمت يادونه وکړي تر څو ناشکري د نعمت رانسي او د مسلمانانو د ټولۍ سره ژوند کول د مسلمان لپاره رحمت او د ټولۍ څخه جلا کېدل عذاب دی. 

www.taleemulislam.net