د (نکاح) نورې ليکنې
تازه سرليکونه
بېلابېلې ليکنې
د ښځي تړون
وړاندي مو ولوستل چي د بالغي او عاقلي نجلې نکاح ددې د اجازې پرته نسي تړل کېدلای ، څه مهال چي دا اجازه ورکړي نو بیا یې وکیل نکاح ور تړلای سي .
که بالغه او عاقله نجلۍ د شاهدانو په حضور کي پخپله د یو چا سره د نکاح ایجاب یا قبول وکړي د ابوحنیفه رحمة الله علیه په آند یې نکاح صحیح کیږي ځکه د امام صاحب په وینا د ښځو په ژبه د نکاح ایجاب او قبول صحیح کیږي .
د ابویوسف او امام محمد رحمهما الله په آند د ښځو په ژبه د نکاح ایجاب او قبول نه صحیح کیږي ځکه دوى وايي چي د ښځي پر ځای به د ښځي په اجازه د هغې وکیل یا ولي د نکاح ایجاب یا قبول کوي .
البته د ابوحنیفه رحمة الله علیه د وینا پر بنسټ که بالغه او عاقله ښځه د خپلو اولیاوو د اجازې پرته په ټیټ ولور نکاح وتړي ، یا د داسي چا سره نکاح وتړي چي هغه د دې کفو او سیال نه وي نو بیا یې اولیاء د اعتراض حق لري او د قاضي په پرېکړه او حکم یې نکاح ور باطله کولای سي .
که د اولیاوو اعتراض د ولور پر کمښت وو بیا که یې مېړه د دې ښځي مهر مثل یعني د دې د پلرنۍ خورلوڼو د شان وړ ولور ورته پوره کړي د اولیاوو د اعتراض حق يې په ساقطیږي .
ماخذ: فقه المبتدي، دوهم ټوک- نکاح
تبصره
