د (نکاح) نورې ليکنې
تازه سرليکونه
بېلابېلې ليکنې
د اولاد حکم
په پلار او مور کي چي هر یو تر هغه بل پر ښه دین وي نو د دوى وړوکي اولادونه هم د هغه تابع بلل کیږي .
که په مور او پلار کي یو مسلمان او بل کافر وي یعني مسلمان سړي د یهودۍ یا عیسوۍ ښځي سره نکاح تړلې وي نو د دوى کوچني اولادونه مسلمانان بلل کیږي .
همدا ډول که په مور او پلار کي یې یو مسلمان سي نو وړوکي اولادونه یې هم په مسلمانانو کي شمېرل کیږي .
که په مور او پلار کي یو کتابي یعني یهودى یا عیسوى وي او بل يې مجوسي وي ، دلته بیا د دوى وړوکي اولادونه د اهل الکتاب په ډله کي شمېرل کیږي ، ځکه د اهل الکتاب دین تر مجوسیت او نورو کفري دینونو غوره دين بلل کیږي .
همدا وجه ده چي په کافرانو کي یوازي د اهل الکتاب ذبیحه یعني د دوى په لاس د حلال سوي حیوان د غوښو خوړل مسلمانانو ته جایز دي .
همدا ډول یو مسلمان سړی کولای سي چي د یهودۍ یا عیسوۍ ښځي سره نکاح وتړي .
ماخذ: فقه المبتدي، دوهم ټوک- نکاح
تبصره
