د (چاڼ سوي مضامين) نورې ليکنې
تازه سرليکونه
بېلابېلې ليکنې
نېکي
نېکي
ایډیت : بصیر یوسفزی / تعلیم الاسلام ویب پاڼه
1) دهمسایه ګانو سره نیکي کوه! چي کامل مسلمان سې.
2) نیکي یوه میوه داره درخته ده ، چي انسان يي کري او بیله شکه به يي یوه ورځ دهغه میوه خوري .
3) په نړۍ کي نېکي دپوهي اوبدي دجهل ملګرې ده .
4) ښه او بد هیڅکله نه پټیږي .
5) د ځلاسرچینه نېکو کاري ده .
6) دمور او پلار سره نیکي کول د جهاد ځاي نیسي .
7) نېکۍ ډېري دي خو څوک چي عمل په کوي هغه ډیرلږ دي .
8) په ټولو ښو کارونو کي هغه کار چي ژريي بدله ورکول کیږي ،نیکي ده.
9) د نیکانو او بدانو دواړو سره نېکي کوه ! تر څو ټوله خلک نېکي زده کړي .
10) تر ټولو ښه خلک هغه دي ، چي دخلکو سره نېکي کوي او دا نه ګوري چي ښه دي که بد .
11) هر کله چي بدي وکړې ، نو نېکي پسي کوه! ځکه نېکي بدي رژوي .
12) د الله (جل جلاله)د نعمتونو تر ټوله ښه شکر ، دهغه د بندګانوسره نېکي او احسان کول دي.
13) د خلکو سره داسي ژوند وکړه ! چي کله مړسې درباندي ژاړي او که ځني لیري سې ستا د ملاقات شوق لري .
14) بیله نېکو اعمالو ، انسان بل ملګری نه لري .
15) نیک اعمال همیشنۍ ذخیره او پاکه میوه ده .
16) که غواړې چي ستا نوم په ښو یاد سي د نورو نوم په بدۍ مه اخله !.
17) بې ځایه نېکي ظلم دئ .
18) نېک کارونه همېشنۍ ذخیره ده .
19) د عفوي او ښو اخلاقو لاره خپله کړه ! او په نېکي سره حکم کوه !.
20) څوک چي دبدانو سره کښېني، نېکي به ونه ویني .
21) د توان ترحده نېکي کوه! او بدکاره په نیکه لاره او ښو اخلاقو د بدو کارو څخه منعه کړه !.
22) د مور او پلار سره نېکي کول د لویو نېکیو څخه ده .
23) نېکي نه زړیږي.
24) بدي نه هیریږي .
25) ظالم نه عادل کیږي .
26) چاته چي الله (جل جلاله) دخیر اراده وکړي ، نو روح يې غني او زړه يې متقي (پرهېزکاره) کړي .
27) د خپلوانو سره دوستي عمر ډېروي او دبې کاره مرګ څخه سړی ساتي .
28) زړونه په فطري ډول هغه څوک خوښوي چي د دوي سره نیکي کوي ، او د هغه چا څخه نفرت کوي چي د دوی سره بدي کوي .
29) کوم قوم ته چي الله (جل جلاله) دخیر اراده وکړي ، نو پوهان ډېر او ناپوهان يې لږ کړي ! .
30) نېکي پټه کړه ! د ښکاره کولو څخه يې ډډه وکړه !.
31) د نیکوکاره او بد کاره سره یوشان چلند مه کوه ! ځکه دا کار نیکو کاره د خپل کار څخه بي شوقه او بدکاره خپل بد کار ته تشویقوي .
32) د نیک کار پای ته رسول ، د ده تر شروع بهتره دي .
33) څوک چي د نېکیو تخم وکري ، نو په خوشحالۍ سره به يې ورېبي .
34) نېکي کوه ! ځکه د نېکۍ ثواب به داسي پیداکړې ، لکه ؛ بدي جزا چي څوک پیداکوي .
ماخذ : سپیڅلي خبري
www.taleemulislam.net
ورته ليکنې:
تبصره
