د (نکاح) نورې ليکنې
تازه سرليکونه
بېلابېلې ليکنې
د يمين انحلال (نکاح)
د شرط په ډول كه ښځي ته طلاق وركول سي دغه ډول وينا ته د فقهي په اصطلاح کي يمين هم وايي .
د شرط په مخکنيو تورو كه طلاق وركول سي نو څه مهال چي شرط پر ځاى سي طلاق واقع كيږي .
خو د دې سره يمين هم منحل كيږي ، يعني شرط او د شرط جزا هم له منځه ځي ، كه دوهم ځلي څوك هغه كار وكړي بل طلاق نه په واقع كيږي .
د مثال په ډول ښځي ته يې وويل : ان دخلت الدار فانتِ طالق ، كه ته كور ته ننوتې نو ته طلاقه يې .
په دې صورت كي كه ښځه كور ته ننوځي يو رجعي طلاق واقع كيږي .
كه دا سړى و دې ښځي ته د عدې په مده كي رجوع وكړي ، يا د عدې څخه وروسته بيا نكاح ور سره وتړي او د نكاح وروسته دوهم ځل بيا دا ښځه هغه كور ته ننوځي دوهم طلاق نه واقع كيږي .
ځكه په اِن ، اذا ، اذا ما ، متي يا يې د پښتو په هم معنا شرطيه تورو چي طلاق وركول سي د يو ځلي د پاره په دې شرط طلاق واقع كيږي ، د شرط د پر ځاى كېدلو سره جوخت يمين هم له منځ څخه ځي او بل ځلي په دې شرط طلاق نه واقع كيږي .
ماخذ: فقه المبتدي، دوهم ټوک- نکاح
مؤلف: مولوي محمد عمر خطابي
ورته ليکنې:
تبصره
