د (کورنى جوړښت) نورې ليکنې
تازه سرليکونه
بېلابېلې ليکنې
کورنی جوړښت: د مېرمني سره اختلاف او صلاح
لیکنه: ز. عزيزي/تعلیم الاسلام ویب پاڼه
دوهمه لارښوونه
د خپلې ميرمنې د اصلاح په هڅه کي اوسئ :
که د سړي ميرمن صالحه وه، نو دا د پروردګار يوه مهرباني ده، خو که نيکي او ښيګڼه په کښې نه وه نو د ميړه يې مسئووليت دا دی چي د اصلاح په هڅه کي يې اوسي، او دا ستونزې اکثره د لاندي حالاتو له امله رامنځ ته کيږي:
الف:- سړی له داسې ميرمن سره واده وکړي چي متدينه نه وي، ځکه دی په خپله په سر کې تدين ته دومره پاملرنه نه کوي.
ب:- يا د داسې ښځې سره واده کوي چي ديندارۍ ته چنداني پاملرنه نه کوي خو ولې دی ورسره واده کوي، ترڅو يې اصلاح کړي.
ج:- يا د همداسې يادې کړی سوې ښځې سره د خپلو خپلوانو د فشار له کبله واده کوي.
په داسې حالاتو کې لازمه ده چي د اصلاح لپاره يې خپله ملاوتړي.
سړی بايد د هرڅه نه مخکې په دې پوه سي چي هدايت د الله تعالی د لوري وي، او الله تعالی هغه ذات دی چي اصلاح کوي يې.
د ښځې اصلاح او سمونه مختلف وسايل لري ، د هغو د جملی څخه ځينې په لاندې ډول دي:
۱:- خاوند بايد هڅه وکړي ترڅو د خپلې ميرمنې عبادات یي درست او صحيح سي ، ټول عبادات يې يوازې د الله د پاره خالص سي.
۲:- خاوند بايد د خپلې ښځې د ايمان او د اوچت والي د پاره جدي هڅه وکړي ، او دا کار په لاندې ډولونو ممکن دی:
۳:- قيام الليل ( د تهجد لمانځه ) ته دې تشويق کړي.
۴:- د قران کريم تلاوت ته دې يې تشويق کړي.
۵:- د اذکارو ( مسنونه) وريادول او په خپلو مناسبو وختونو کي يې لوستل .
۶:- د خيرات او صدقې ورکولو ته تشويقول.
۷:- د ګټورو اسلامي کتابونو لوستل.
۸:- د اسلامي او علمي موضوع اوريدل تر څو يې د ايمان په پياوړتيا کي کومک وکړي.
۹:- له خپلې ميرمنې سره دې کومک وکړي ترڅو نيکې او صالحې ښځې په ملګرتيا ونيسي ، تر څو يو له بله سره دوستي ، نيکې خبرې او هدف منده اړیکي ولري.
۱۰:- هر ډول شر او بدي دې د ميرمنې نه دفع کړي. د بدو دوستانو او بدو ځايونو نه دې ليرې وساتي ، د هر ډول شرارت او بدۍ د نفوذ لارې دې د هغې د ژوند په حريم باندې وتړي.
اړوند لیکني:
ورته ليکنې:
تبصره
