لیکنه: حافظ سفیان خالد - هلمند

چي ﮐﻟﻪ ﻟﻪ سياﺳﺘﻪ ﺗﺮې پوښتنه وسي، وايي: نه پوهېږم، چي کله د تاريخ او ثقافت پوښتنه ورڅخه وسي، وايي: نه پوه ېږم. که د اقتصاد او تجارت پوښتنه ځني وسي، وايي: نه پوهېږم، ددې ټولو اندازه پېژني، د بل چا وظيفه او دنده ئې بولي او نه پرې پوهيږي، خو کله چي د دين او فتوی خبره سي؛ نو بيا داسي وي لکه په دې فن کي چي ئې تخصص کړی وي، په هره مسئله خوله ورپرانيزي، چي څه ډول خواهش او د نفس تقاضا ئې وي، هماغسي ئې ګڼي او د الله عزوجل وېره ئې په زړه کي بيخي راګرځي هم نه.

امام مالک   رحمه الله  ته، چي په فقه او تقوی کی ئې مقام اومنصب له هيڅ چا څخه نه دی پټ، يو کس له ډېري ليري ساحې څخه د څلوېښتو مسائلو د پوښتلو لپاره راغی او د ځوابونو غوښتنه ئې ترې وکړه، امام مالک   رحمه الله  د څلورو پوښتنو ځوابونه ورکړه او د شپږ دېرش نوروپوښتنو په اړه ئې ورته وويل: (لا أدري) نه پوهېږم! الله تعالی ښه علم ورباندي لري. هغه کس ډېر حيران سو، ويل: زه به مي قوم ته څه ځواب وروړم؟ امام مالک   رحمه الله  ورته وفرمايل: قوم ته دي ووايه چي امام مالک ويل:"

زه نه پوهېږم! الله تعالی ښه علم پرې لري.

يا! زه وېرېږم، چي زما رايه او نظر به خپور سي او د الله جل جلاله حکم به داسي نه وي.

دوی غواړي، چي زموږ له شا څخه د خپل ځان لپاره پر جهنم لاره ا و پُل جوړ کړي.