د اسلامي اقتصاد ارکان 

لیکنه : صابراحمد /تعلیم الاسلام ویب پاڼه 

اسلامي اقتصاد په لاندي بنسټونو ټینګښت مندلی :
۱‍‍‍- دوه ګوني اقتصادي ملکیت (عام او خاص ملکیت )
۲- مقیده اقتصادي ازادي
۳- ټولنیز تکافل

لومړي دوه ګونی اقتصاد ملکیت : د ملکیت موضوع د اسلام د اقتصادي نظام له څرګندو شیانو څخه ده چی د اسلام د اقتصادي نظام له نورو نظامونو څخه جلا کوي. او په هره ټولنه کی اقتصادي فعالیتونو محر تشکیلوي له دي امله چی اسلام د ټولو څخه ورستني، پوره او شامل دین دي خپلي اقتصادي لارښوني د مالي ملکیت او د مال د ګټي وټي چاروته ورغځوي. مخکي له دي چي پدي واړو رکنونو(عام او خاص ملکیت ) باندي خبري وکړو په لنډه توګه د ملکیت په موضوع د پانګوال (سرمایه داري نظام ) او سوسیالیزم (اشتراکي نظام ) د دریځ څرګندونه کوؤ.

ملکیت د پانګوال (سرمایه داري) نظام له نظره 
سرمایه داري نظام د تولید د وسایلو د فردي ملکیت پر اساس چي له هر ډول قیوداتو څخه آزادي وي ټیګښت مومي د انظام د شتمني په لاس ته راوړلو او لګښت کي د هیڅ ډول قیوداتو او اخلاقي ارزښتونو پروانه ساتي هر شخص آزاد دي ، چي ټولو کوښښونه په لار واچوي تر څوله هري لاري څخه چي کیداي سي شتمني تر لاسه کړي او د خپلي خوښي سره سم ئی په لګښت ورسوي .

ماخذ: د اسلام مالي نظام: ص۱۷

www.taleemulislam.net