لیکنه: ویس احمد ابراهيم / تعلیم الاسلام ویب پاڼه

د سورة الرعد لنډه پېژندنه 

سورة الرعد د تلاوت او مصحف په اعتبار ۱۳ سورة دئ، چي د هجرت وروسته په مدينة منورة کي نازل سوی دئ.

سورة الرعد ۴۳ آية او ۶ رکوع لري.

د دې سورة نوم د ۱۳ آية څخه اخستل سوی دئ، چي الله تعالی فرمايي:

 وَيُسَبِّحُ ٱلرَّعْدُ بِحَمْدِهِۦ وَٱلْمَلَـٰٓئِكَةُ مِنْ خِيفَتِهِۦ وَيُرْسِلُ ٱلصَّوَٰعِقَ فَيُصِيبُ بِهَا مَن يَشَآءُ وَهُمْ يُجَـٰدِلُونَ فِى ٱللَّهِ وَهُوَ شَدِيدُ ٱلْمِحَالِ.

د رعد معنی تالنده يا برېښنا ده.

د سورة الرعد يو د اصلي موضوعاتو څخه دا ده چي: حق او رښتيا همېشه ټينګ او ثابته وي، او کذب يعني درواغ بې بنياده او بې بنسټه وي.

په دې سورة مبارک کي الله (رب العزة) د اسمانونو، مځکي او شپې و ورځي بيان کړی دئ.

په سورة الرعد کي لاندي موضوعات ذکر سوي دي

۱-  قرآن کريم د الله (رب العزة) د خوا څخه را لېږل سوی کتاب دئ.

۲-  يوازي الله تعالی خبر دئ چي د مور په رحم کي څوک دي (نر که ښځه).

۳-  درختي، مېوې او سبزيجات د الله (تبارک و تعالی) د نښانو څخه دي.

۴-  الله (سبحان و تعالی) د يوه قوم حالت تر هغو نه بدلوي تر څو خپل حالت په خپله بدل نه کي.

۵-  پر انسانانو باندي ملائکي مؤظفي سوي دي.

۶-  هغه کسان چي د الله تعالی و امر ته لبيک نه وايي، په ورځ د اخرت به هيڅ د تېښتي لاره ور ته نه وي.

۷-  د الله (عزوجل) ذکر د انسان و زړه ته سکون او اطمئنان ور کوي.

۸-  هر څه الله تعالی ته پر سجده دي.

۹-  د الله رسول هيڅ معجزه بغير د خپل رب د اجازې څخه نه سي ښکاره کولای.

www.taleemulislam.net