د (نبوي سیرت) نورې ليکنې
تازه سرليکونه
بېلابېلې ليکنې
سیرت نبوي د دِمشق آمر حارث بن ابي شمر ته ليک
سیرت نبوي (۲۳۸برخه)
لیکنه: مولوي عنایت الله علمي / تعلیم الاسلام ویب پاڼه
د دِمشق آمر حارث بن ابي شمر الغساني ته ليک
دغه رنګه رسول الله صلی الله علیه وسلم د شجاع بن وهب الاُسدي رضی الله عنه په لاس يو ليک و حارث بن ابي شمر الغساني ته چي د دمشق آمر ؤ و لېږى او دا ليک داسي ليکل سوى ؤ:
«بسم الله الرّحمْن الرحيم، مِن محمّد رسولِ الله الْى الحارث بن ابي شمر! سلامٌ علْى من إتبعَ الهُدْى وَ اْمنَ باللهِ وصَدّق، وَإنّي أدعوکَ أن تُؤمِنَ باللهِ وحدهُ لا شريکَ لهُ، فَيَبقْى لکَ مُلکُکَ».
يعني: پر هغه چا دي سلامتيا وي چي د حق او سمي لاري متابعت کوي او پر الله يې ايمان را وړى وي او د هغه تصديق کوي او زه تا و دې ته را بولم چي يواځي پر يوه الله هغه چي شريک نه لري ايمان را وړه، نو ستا پاچهي به و تا ته در پاته سي.
حارث چي دغه ليک و وايه ډير په قهر سو او د رسول الله صلی الله علیه وسلم رساله يې پر مځکه وغورځول، ويل:
ما زما په خپله پاچهي بېروي څوک زما څخه زما پاچهي اخستلاى سي؟ حال دا چي زه سل زره جنګي فوج لرم، دغه د دمشق آمر د غساسنه پر قبيلو حاکم ؤ چي دغه قبيلې د جزيرة العرب په شمال کي اوسېدلې، د حارث دغه شديد جواب د دې سبب سو چي بيا په وروسته کي يې د (مؤته) جنګ په وجود را وړي او د دغه وخته څخه حارث د لښکر په تيارولو او آماده کولو شروع وکړه، هغه خپل سل زره نفريز لښکر يې تياراوه چي پر مدينه منوره او مسلمانانو حمله وکړي.حارث نو دلې د خپل لښکر د تيارولو په حال کي پرېږده.
ان شاءالله نور بیا....
ماخذ: د سرورِ کائنات صلی الله علیه وسلم ژوند.
www.taleemulislam.net
ورته ليکنې:
تبصره
