لیکنه: محمدنبي سلطاني/ تعلیم الاسلام ویب پاڼه  

د بریالي ژوند راز 

ستونزي انسان  پیاوړی کوي او  د لویو بریاوو لامل ئې کیږي. بریا ترلاسه کول د انسان د تر ټولو اصلي او مهمو غوښتنو څخه ده، نو که انسان غواړي بریالی و اوسي  او پریالی ژوند ولري؛ نو غوره ده چي په دې برخه کي لاندي لارښووني په نظر کي ونیسي. 

۱ – ځیني شیان هغه څه دي، چي موږ  یې کول نه خوښوو او تل یې کولو ته زړه نازړه یو. په ژوند کي د بریالي کېدو لپاره اړینه ده چي د دې شیانو په ترسره کولو سره خوند واخلو او خپګان ونه کړو، ځکه چي خپګان یوازي د انسان د ستړیا لامل کیږي او بس.

۲ – په ژوند کي خپل کار باور ولرئ او دغه کار  وبار په پوره زړورتیا سره وکړئ، ځکه چي زړه نا زړه توب له انسانه سمه لاره  ورکوي. 

۳ - هیله کول هیڅ شی نه بدلوي، نو که تاسو غواړئ هرڅه ښه کړئ، نو لکه څنګه چي دي هغسي ئې ومنئ. 

۴ -  د نورو لپاره انتظار مه کوئ، چي تاسي خوشحاله کړي؛ بلکي د ځان د خوشحاله کولو لپاره د خوشحالۍ تمرین وکړئ، په وړو – وړو شیانو ځانونه خوشحاله کړی او خوشحالي په خپله خپل کاله ته راولئ. 

۵ - کله چي تاسي  کاروبار پیل کړئ، نو یوازي د خپلو ګټو په اړه فکر مه کوئ؛ بلکي د نورو د ګټو په اړه هم  فکر وکړئ، ځکه چي په دې توګه به نور ستاسو لپاره د کار کولو څخه خوند واخلي او ستاسو د بریالیتوب لامل به سي.

۶ - کله چي تاسي د یو څه کولو پرېکړه وکړئ، نو له ځانه وپوښتئ چي زه څه کولای سم چي ټولو خلکو ته ګټه ورسوم. 

۷ - کله چي یو څوک لامبو زده کوي، هغه په اوبو کي د ډوبولو څخه ویره نه لري، نو تاسي هم کله چي په کار وبار کي له کومي ستونزي سره مخ سی، خپل ځان یا نور مه ملامتوئ.

۸ - د دې لپاره چي په هر کار کي بریالي واوسئ، باید د کار کولو څخه مخکي د کار روښانه انځور ولرئ او خپل هدف ټینګ وساتئ.

۹ - د لویو کارونو په ترسره کولو ستونزي وګالئ، ځکه چي ستونزي سړی پیاوړي کوي او د بریالیتوب لامل ئې کیږي.

۱۰ - هغه کارونه وکړئ، چي ستاسو لپاره ستونزمن وي؛ ځکه چي ستونزمن کارونه کول هڅو او جديت ته اړتیا لري، هڅي او جدیت  اراده پیاوړې کوي.

۱۱ - خپل کار په انرژۍ سره وکړئ او په پوره انرژۍ سره د خپل کار په ترسره کولو تمرکز وکړئ، نو تاسو به وګورئ چي ستاسو کار به روښانه او ښکلی وي.

۱۲ -  کله چي تاسي یو څه کول غواړئ، له ځانه مه پوښئ، چي نورو څنګه او په کومه طریقه ترسره کړی؟ بلکي د کار د سم ترسره کولو لپاره پوره هڅه وکړئ او د لاري په اوږدو کي نوي حقایق کشف کړئ. 

۱۳ ۰- خپل کار په ټول توان سره وکړئ او خپله انرژي د خنډونو په لیري کولو  مصرف کړئ.

۱۴ -  ژوند یو سیند دئ، چي د راتلونکي پر لور روان دئ، نو یوازي د تیر په اړه فکر مه کوئ او خپل کار د پخوا په پرتله په نوي او ښه ډول ترسره کړئ، راتلونکی په مخکي دئ.

۱۵ -  هرکله چي تاسو غواړئ په ژوند کي یو څه وکړئ، نو د هغه په کولو کي د حیرانتیا او زړه نازړه توب احساس  مه کوئ، بلکي د ترسره کولو څخه ئې خوند واخلئ.

۱۶-  د هغو نعمتونو د لرلو  شکر وباسی، چي لرې يې او د هغو نعمتونو په اړه شکایت مه کوئ چي لاس رسی مو نه ورته کيږي او یا يې نه لرئ.

۱۷ -  په دوامداره توګه له نورو څخه بښنه مه غواړه او د نورو پام خپلو غلطیو ته مه را اړه، بلکي هڅه  او کوښښ وکړه چي خپله غوره کار وکړې.

۱۸ -  د عمل او فکر کولو لپاره له خپل ذهن څخه لارښوونه او حکم ترلاسه کړی. 

۱۹ -  غرور مه کوئ، ځکه چي غرور عقل له منځه وړي. 

www.taleemulislam.net