د (نکاح) نورې ليکنې
تازه سرليکونه
بېلابېلې ليکنې
پردۍ ښځي ته طلاق
پردۍ ښځي ته طلاق نه وركول كيږي ، د مثال په ډول که څوک داسي ښځي ته چي د ده او د هغې تر منځ نکاح نه وي ووايي : كه دي فلانكى كار وكړى ته طلاقه يې .
که د دې وينا وروسته يې د هغې ښځي سره نكاح وتړل سوه او هغې هغه كار وكړى طلاق نه واقع كيږي .
ځکه ښځي ته مشروط يا نامشروط طلاق هغه مهال ورکول کېدلاى سي څه مهال چي د طلاق وينا ورته کوي په هغه وخت کي يې دا ښځه په نکاح کي وي البته كه د پردۍ ښځي طلاق پر نكاح مشروط كړي مثلا داسي ورته ووايي : كه ما ته په نكاح كړې او بيا تا فلانكى كار وكړى نو ته طلاقه يې ، په دې صورت کي كه وروسته يې د هغې سره نكاح وتړل سوه ، د نکاح وروسته هغې هغه کار وکړ کوم چي طلاق پر معلق سوى وو نو طلاق واقع کيږي .
ماخذ: فقه المبتدي، دوهم ټوک- نکاح
مؤلف: مولوي محمد عمر خطابي
تبصره
