تازه سرليکونه
د (معاملات) نورې ليکنې
تازه سرليکونه
بېلابېلې ليکنې
د بيع ډولونه
 
  April 11, 2013
  0
بيع د حکم په اعتبار څلور ډوله ده :

نافذه بيع ، موقوفه بيع ، فاسده بيع ، باطله بيع 

نافذه بيع هغي سودا ته وايي چي ځاى پر ځاى سودا صحيح او لازمه سي .

موقوفه  بيع هغي سودا ته وايي چي ځاى پرځاى لازمه نه سي بلکي د بل په اجازه پوري اړه ولري . 

فاسده بيع هغي سودا ته وايي چي په شرعي طريقه و نه کړله سي ، بايع او مشتري ته په کار وي چي سودا فسخ کړي ، خو بيا هم که يو د بل څخه مال تسليم کړي د هغه مالکان ګرځي .

باطله بيع هغي سودا ته وايي چي په هغه کي مَبِيعَه مال نه وي ، په باطله بيع کي په تسليمۍ سره لا هم بايع او مشتري د مبيعي او ثمن مالک نه ګرځي ، ځکه د بيع د رکن د نشته والي لکبله بيع د اصل څخه صحيح نه ده .

اصطلاحات :

د بيع د مخکنيو ډولونو د تفصيلي بيان څخه وړاندي د راتلونکو اصطلاحاتو پېژندل ضروري دي .

مال : مال هغه شي ته وايي چي د انسان طبيعت هغه ته ميلان کوي او د ضرورت د وخت د پاره ساتل کېدلاى سي .

منفعت : منفعت هغه شي ته وايي چي طبيعت ميلان ورته کوي خو د بل وخت د پاره ساتل کېدلاى نه سي .

مثلاً : سراى مال دى خو په سراى کي اوسېدل د سراى منفعت بلل کيږي ، ځکه چي د نن ورځي هستوګنه يې سبا ته نسي ساتل کېدلاى .

ماليت : د يو شي ماليت د ټولو خلکو يا د يو شمېر خلکو په تمول يعني مال ګرځولو ثابت کيږي  . 

هغه شى چي هيڅوک يې هم په کار نه لري هغه ته مال نه ويل کيږي .

مال مُتَقَوِّم : مال مُتَقَوِّم هغه مال ته وايي چي د هغه څخه استفاده او ګټه اخيستل په شريعت کي جايز وي .

مثلاً : خنزير مال بلل کيږي ، ځکه چي کفارو ته داسي قدر لري لکه موږ ته چي پسه قدر لري ، ليکن د مسلمان په حق کي مُتَقَوِّم مال نه دى ، ځکه د خنزير څخه استفاده او ګټه اخيستل د مسلمانانو د پاره ناجايزه ده .

دغنمو فقط يوه دانه مال نه بلل کيږي ، ځکه د غنمو يوه دانه څوک په کار نلري ، ليکن مُتَقَوِّم شى بلل کيږي ، ځکه د غنمو د يوې داني څخه هم که څوک استفاده کوي په شريعت کي جواز ورته لري .

ماخذ: فقه المبتدي، دریم ټوک- معاملات
مؤلف: مولوي محمد عمر خطابي
تبصره
يو نوم خامخا وليکئ.دغه نوم تر ٤٠ تورو زيات دى.
برېښناليک خامخا وليکئ.دغه برېښناليک تر ٤٠ تورو زيات دى.دغه برېښناليک باوري نه دى!.
متن خامخا وليکئ.متن تر وروستي بريده رسېدلى دئ.

  که نه لوستل کېږي دلته کليک وکړئ.  

سرته