د (روغتيا پالنه) نورې ليکنې
تازه سرليکونه
بېلابېلې ليکنې
د دماغي حجرو د ویجاړتوب ۱۰ لاملونه
رالېږونکی: ډاکټر محمد هاشم نظروال- کاناډا
ژباړه: عبدالقدیر پوپل
سرچینه: تعلیم الاسلام راډيو ویب پاڼه
هغه لس خویونه چي د دماغي حجرو(سلولونو) د ویجاړتوب لامل ګرځي په لاندي ډول دي:
۱: د سهار ناشته یا ناری نه کول :
هغه کسان چي سهار ناری نه کوي د هغو دویني قندایاتو اندازه کښته وي ، چې دا و دماغ ته د نیوټرنو په برابرلو کي کمیښت راولي او د دماغ د کمزورۍ لامل کیږي .
۲: تر ټاکلي اندازې ډیره ډوډي خوړل :
پرخورې د دماغي شیریانو د سختۍ سبب ګرځي چي وروسته د ذهني قوت د کمزورۍ لامل کیږي .
۳: د سګرټو څکول :
د سګرټو څکول د دماغ انقباض کمېدلو لامل او دAlzheimer مرض ته لار هواره وي .
۴: د شیرنیو څخه ډیره ګته اخستل:
د ډیرو شیرنيو استعمال د نیوټرن او پروټینو د حل کېدلو خنډ ګرځي . د نیمګړې تغذیې سبب ، او کېداسی چي د دماغ په وده کي هم مداخله وکړي .
۵: چټله هوا :
دماغ زموږ په بدن کی ترټولو ډیر و اکسیجن ته اړتیا لري، د چټلي هوا تنفس دماغ ته د کافي اندازې اکسیجن په رسولو کي کمی راولي چي د ذهني موثریت د کمېدلو سبب ګرځي.
۶: بد خوابي :
خوب دماغ ته ارامي وربخښی . اوږد مهاله بد خوابي د دماغي حجرو د مړه کېدو باعث کیږي.
۷: د خوب په وخت کي سر پټول :
په پټ سره ویدېدل (پټو یا بل شی پر سر یا پر مخ کشول ) د کاربن ډای اوکسایډ جوړیښت ډیره وي او د اوکسیجن جوړښت کموي کېداسي په نتیجه کي دماغ ته زیان ورسوي .
۸: په ناروغۍ کي ذهني فعالیتونه کول :
په ناروغۍ کي سخت ذهني کار کول او یا زدکړي کول ذهنی اغیزمنتوب کمزوره او ور سره سره دماغ ته د زیان رسولو سبب کېداسي .
۹: په دماغ کي د لمسونکو یا سالمو فکرنو کمښت :
د ذهن د روزلو تر ټولو ښه لار فکر کول دي ، د سالمو فکرونو کمښت د ذهن د ټـیـټـېـدلو لامل ګرځي .
۱۰: هوښیارې خبري کول :
عقلي او فکري محاوره کول ذهن ته پرمختګ وربخښي.
ورته ليکنې:
تبصره
