د (چاڼ سوي مضامين) نورې ليکنې
تازه سرليکونه
بېلابېلې ليکنې
نوی کال او د ژوند مقصد
د نن درس (د محرم میاشت)
رالېږونکی: استاذ نور الله خان احمدزی
نوی اسلامي کال پيل شوی د خپل عمر قیمتي شېبو په اړه لږ ډېر غور او فکر وکړئ، انسان باید د خپل ژوند په اړه سوچ وکړي چې دی چیرې ځي؟ دی خپل ګام د جنت خواته پورته کوي او که د جهنم خواته؟ د ځینو خلکو دا فکر وي چې الله جل جلاله دوی د کوم مقصد لپاره پیدا او دنیا ته یې را استولي دي؟ دا خلک بیا خپل اصلي مقصد نشي هېرولی ـ دوی سوچ کوي چې د هغه د مالک رضا په کوم شي کې نغښتې؟ څه باید وکړي؟ او آخرت (چې په سمه معنی د هغه استوګنه ده) هغه له ده څخه خرابیږي او که یې سم جوړوي؟
دا فکر باید هر انسان سره وي چې د خپل ژوند حساب او کتاب وکړي چې ما تېر کال کې یا تېر وخت کې څه ګټه او کوم تاوان وکړ؟ اوس چې د محرم میاشت پيل شوې نو ته باید پدې پوه شې، چې ستا د ژوند یو بل نوی کال او ورځې پيل شوي ته باید دا سوچ وکړې چې دتېر محرم څخه تر دې محرمه پورې چې پوره یو کال کیږي ته هم هغه پخوانی انسان یې او که خپل ژوند او حالاتو کې د بدلون لېواله یې.
اوس که پر تا ټول کال تېریږي او ستا په ژوند کې هیڅ بدلون ندی راغلی نو څومره د تاوان خبره ده چې یو کس بهر ملک ته د ګټې لپاره لاړ ـ هلته د یوه کال په پوره کېدو سره بیا هم ده هېڅ ګټه ونکړه نو څومره د محرومي او بدبختي خبره ده سوچ وکړئ چې تېر کال څومره خلک ژوندي ول او اوس څومره خلک ددې نړۍ څخه رخصت شول همدارنګه ټول خلک به یوه ورځ ددې نړۍ څخه ځي او هره ګړۍ ډیره قیمتي ده.
نو لږ تر لږ د هر کال په پیل کې دا درس حاصل کړئ چې آخر هم یو کال تېر شو خو بیا هم زه هغه پخواني حالت کې ولاړ یم کوم چې تېر کال کې ووم، یعنې له ګناه څخه مې لاس ندی اخیستی او یا هم هېڅ ښو خوا ته مې مخه نده کړې نو دغه کس باید د خپل راتلونکي ژوند ته ډېر متوجه شي او د نوي پيل او نوي کال لپاره ډېرڅه وکړي. نو دغه کس چې په ګناه اخته دی باید لږ غور وکړي چې آخر ترڅو به ژوندی وي او تر کومه به ګناه کوي آخر هم مرګ را درومي او دا ژوند هرومرو ختمېدونکی ده.
ورته ليکنې:
تبصره
