د (کورنى جوړښت) نورې ليکنې
تازه سرليکونه
بېلابېلې ليکنې
کورنی : کور د الله تعالی د ذکر ځای ګرځول
لیکنه: ز. عزيزي/تعلیم الاسلام ویب پاڼه
دريمه لارښوونه : کور د الله تعالی د ذکر ځای وګرځوئ
رسول اکرم فرمايي : ( مثل البيت الذی يذکره الله فيه ، والبيت الذی لايذکرالله فيه مثل الحی والميت) ((رواه المسلم ، ج:۱ ص:۵۳۹)
ژباړه: د هغه کور مثال چي په هغه کي د الله تعالی ذکر کيږي ، او هغه چي په هغه کي د الله تعالی ذکر نه کيږي د مړي او ژوندي په څير دی.
بايد کور د مختلفو ذکرونو ځای وګرځول سي ، که هغه د زړه ذکر وي يا د ژبې ذکر ، لمونځونه ، د قران کريم تلاوت ، د شرعي علومو زده کړه او يا هم د ګټورو دیني کتابونو مطالعه .
ډير د تاثير ځای دی چي نن د مسلمانانو څومره کورونه ددې امله چي د الله تعالی د ذکر نه خالي دي د مړو حيثيت لري يوازې دا نه ده چي هلته د الله تعالی ذکر نه کيږي بلکې د شيطان اوازونه لکه : موسيقي، سندرې ،غيبت ، بوهتان او دوه مخيتوب ټول او نور ناوړه اعمال هلته سرته رسيږي !
دداسې کورونه حال به سنګه وي چي په ګناهونو او منکراتو مالامال وي . هغه کور چي په هغه کي حرام اختلات ، ډول او سنګار او د نامحرمو خپلوانو او نا محرمو ګاونډيانو ترمنځ موجود وي ، نتيجه به يې څه وي ؟ ايا د رحمت ملايکې به دې کور ته ننوزي ؟ ایا په دې کور کي به مشکلات نه رامنځ ته کیږي؟
مسلمانانو وروڼو ! الله تعالی دې پر تاسې رحم وکړي ، خپل کورونه په ډول ډول ذکرونو باندې ښايسته او ژوندي کړئ .
----------------------------------------
اړوند معلومات
ورته ليکنې:
تبصره
