لیکوال: ډاکټر سیف الله خــــالد /تعلیم الاسلام ویب پاڼه
د سلو کالو راپدې خوا په ډیریه اسلامي ملکونو د جمهوري نظامونو پايله دا شوه چي نن مو فلسطنیان وروڼه په رڼه میدان د مستبدو او بشر خورو صلیبیانو لخوا څخه په جبر او وحشت سره نر او ښځې ، واړه او زاړه مظلوم مسلمانان په شهادت رسیږي خو جمهوريت پال او په عصري ټکنالوجۍ او زروي اصلحو سمبال اسلامي هیوادونه دې نن د مستبدو دیکتاتورو اسرایلو ظلمونو ته رډ رډ ګوري ځکه که هغه نښه دي رښتیا وي چي وایي موږ مسلمانان یو....
اخر دا اصلحي او شته امکانات د کومي بدي ورځي لپاره راټول او ساتل شوي دي؟
نن که مسلمه امت یو موټی او قووت وای د اسرایلو د هر فرد سترګي به په ګوته ورڅخه را ایستل شوي وای.
دا د دوی لومړني ظلمونه او وحشتونه نه دي ، همدې صلیبیانو د صلیبي جګړو په پای کي د اقصی په داخل کې تر اویا زرو پوري مسلم مظلوم وروڼه په شهادت ورسول چي حتی د دوی جابرو د اسانو تر سینو د مظلومانو ویني ورسېدې ، په والله چي دا نن که سلطان صلاح الدین ایوبي رحمته الله علیه ژوندی وای د ډېرو اسلامي هیوادونو د ناستو حلقه بګوش فحاشو اوغلامو حاکمانو غداری ککرۍ به یې د نېزو په سرونو کي د عبرت لپاره را ځړولي وای.
نن دا رمه بې شپونه شوه ، نن دا عزت په ذلت بدل شو، نن هغه د زرګونو قربانیو په ثمرو معاملې و شوې، نن اقصی د مسلمان وجود هغه ټپي ټپي سینه ده چي د مرهم او پټۍ لپاره یې بچي د جابرو اسرایلو دفاع په تشو ډبرو کوي، نن هغه توري زنګ و وهلې چي یو وخت به د صلیبیانو په څټونو، غوښو او هډونو کږېدې …
پرون چي ۴۸ کفري ورسره د نورو اسلامي هیوادونو په ګډون مستبد ، جابر او وحشي قووتونه زما پسي د نړۍ له ګوټ ګوټ څخه را ووتل او ټولو زه یوازي ورته پریښودم د الله (جل جلاله) په نصرت مي پوره مقابله او سپېڅلي مبارزه وکړه نړۍ دي نن ایمان او عقیده زما څخه زده کړي نه د شرابو او کبابو په نشو له مستو غدارانو عربو واکمنانو څخه چي خپل طلایي وختونه د سپیو او موټرو په سیالیو کي ضایع کوي.
نن به زه بیا د دې تیت پرکو مظلومو وګړو ، شلیدلو ګریوانونو او ټپی ټپي اندامونو علاج بیا هم د الله (جل جلاله) په نصرت زه کووم خو چي وخت یې راشي ..
په شته ۵۸ اسلامي ملکونو ناستو جمهوریت پالو دې زر واره د دې کوچني مجاهد د غیرت او ایمان بلا ور وګرځي.
اې کوچنيه مجاهده وروره!
ستا غیرت ، مېړانې او ستر فولادي عزم ته زر واره سلام دی زموږ او تاسو سره رب ذالجلال (جل جلاله) ملګری ده الله ج مو ناصر اوسه.امین
www.taleemulislam.net
