لیکنه :مولوي نورالحق مظهري / تعلیم الاسلام ویب پاڼه

عن الهيثم بن مالك الطائي قال: سمعت النعمان بن بشير يقول على المنبر: إن للشيطان فخوخا ومصالي، وإن من مصالي الشيطان وفخوخه: البطر بأنعم الله، والفخر بإعطاء الله، والكبرياء على عباد الله، واتباع الهوى في غير ذات الله.[اعتلال القلوب للخرائطي92] 

ژباړه: هيثم بن مالک طائي وايي: ما د نعمان بن بشير رضي الله عنه څخه وارورېدل چي پر منبر يې ويل: د شيطان لپاره دامونه او جالونه دي او د شيطان د دامونو او جالونو څخه د الله په نعمتونو باندي تکبر دی، د الله تعالی په ورکړي باندي فخر دی، د الله تعالی پر بندګانو تکبر دی او په بېله ذات کي د الله د نفسي غوښتنو متابعت دی. 

يعني څلور شيان دي چي د هغو په ذريعه انسان د شيطان په دامونو کي لويږي: 

1 – د الله تعالی په نعمتونو باندي لکه: علم، مال، قدرت او داسي نور تکبر دی. 

2 – د الله تعالی په ورکړي لکه علم، مال، قدرت، آبرو، حيثيت او داسي نور فخر دی. 

3 - د الله تعالی پر بندګانو تکبر او لويي ده. 

4 – او د نفسي غوښتنو پسې تلل دي. 

www.taleemulislam.net