که غواړی پوره او غوره انسان اوسی 

لیکنه: مولوی نقیب الله منقاد/ تعلیم الاسلام ویب پاڼه 

1- پوښتنه  که غواړې چي بډای سې ؟
ځــواب :  قناعت غوره کړه بډای به سې.

2 - پوښتنه که غواړې چي لوی عالم سې؟
ځــواب: تقوی او پرهیزگاری غوره کړه عالم به سې.

3- پوښتنه که غواړې چي عزتمن سې؟
ځــواب: خلکوته لاس مه نیسه عزتمن به سې.

4 - پوښتنه  که غواړې چي لوی سړی سې؟
ځــواب: له خلکو سره مرسته کوه.

5 - پوښتنه که غواړې چي عادل سې؟
ځــواب : چي ځان ته یې خوښوی نوروته یې هم خوښوه.

6 - پوښتنه که غواړې چي ځواکمن سې؟
ځــواب: په خدای جل جلاله باور او توکل کوه.

7 - پوښتنه  که د خدای جل جلاله په دربار کي غوره درجه غواړې؟
ځــواب: د خدای ذکر کوه.

8 – پوښتنه غواړې چي روزي دي پراخه سي؟
ځــواب: تل په اوداسه اوسه.

9 - پوښتنه که غواړې چي دعا دی قبوله سي؟
ځــواب: له حرامو نه ځان ژغوره.

10 - پوښتنه که غواړې چي ایمان دي بشپړ سي؟
ځــواب: اخلاق ښه کړه.

11 - پوښتنه که د قیامت په ورځ له خدای جل جلاله نه داسي لیدنه غواړې چي را څخه خوشاله وي؟
ځــواب: ژر تر ژره له جنابت څخه وروسته غسل کوه.

12 - پوښتنه که غواړې چي گناهونه دي کم سي؟
ځــواب: زیات استغفار وایه (أَسْتَغْفِرُ اللّٰه).

13 - پوښتنه که غواړې چي الله در باندي رحم وکړي؟
ځــواب: د خدای جل جلاله پر مخلوق رحم کوه.

14 - پوښتنه که غواړې چي خدای جل جلاله می پرده وکړي؟
ځــواب: د خلکو پرده ساته.

15 - پوښتنه که غواړې چي رسوا نه سم؟
ځــواب: له زنا څخه ځان ژغوره.

16 - پوښتنه که غواړې چي خدای جل جلاله او رسول صلی الله علیه وسلم ته گران سم؟
ځــواب: کوم کارونه چي خدای جل جلاله ته ور گران وي هغه ځان ته گران کړه.

17 - پوښتنه که غواړې چي د خدای جل جلاله تابع سم؟
ځــواب: فرائض مه پریږده .

18 - پوښتنه که غواړې چي احسان کوونکی جوړ سې؟
ځــواب: د خدای جل جلاله داسی عبادت کوه لکه ته یې چي وینې، ځکه چه هغه تا ویني.

19 - پوښتنه یوکس وویل یا رسول الله! گناهونه په څه بخښل کيږي؟
ځــواب: په اوښکو، عاجزې او ناروغۍ.

20 - پوښتنه کوم شیان د دوزخ اور سړوي؟
ځــواب: پر تکلیفونو صبر کول.

21 - پوښتنه د الله جل جلا له غصه په څه شي سړیږي؟
ځــواب: پټه صدقه ورکول او صله رحمی کول.

22 – پوښتنه تر ټولونه لویه گناه کومه ده؟
ځــواب: بد اخلاقي او کنجوسي.

23 - پوښتنه: تر ټولونه لویه نیکی کومه ده؟
ځــواب: ښه اخلاق، عاجزي او صبر.

24 - پوښتنه: که غواړې چي د خدای جل جلاله له غصې څه وژغورل سې؟
ځــواب: خلکوته غصه مه کوه.

www.taleemulislam.net