لیکنه: مولوي نورالحق مظهري/ تعلیم الاسلام ویب پاڼه

درې مهم خصلتونه 

عَنْ وُهَيْبٍ الْمَكِّيِّ، قَالَ: مَنْ لَمْ يَكُنْ فِيهِ ثَلَاثُ خِلَالٍ فَلَا يَعْتَدَّنَّ بِعَمَلِهِ: وَرَعٌ يَحْجِزُهُ عَنِ الْمَحَارِمِ، وَحِلْمٌ يَرُدُّ بِهِ السَّفِيهَ ، وَخُلُقٌ يُدَارِي بِهِ النَّاسَ.[شعب الايمان۸۰۶۷]

ژباړه: وهيب مکي وايي: په کوم انسان کي چي درې عادته نه وي نو د هغه عمل ته هيڅ اعتبار نه ورکول کيږي: تقوی چي دی د حرامو شيانو څخه وساتي، نرمي چي په هغه باندي بې عقل دفعه کړي او اخلاق چي په هغه باندي د خلګو سره ګزاره وکړي.

يعني کوم انسان چي لاندي درې عادتونه ونلري د هغه اعمالو ته هيڅ اعتبار نسته.

۱ – دومره تقوی ونلري چي په هغه باندي ځان د حرامو او ناروا شيانو څخه وساتي.

۲ – دومره نرمي او حلم ونلري چي په هغه باندي بې عقل انسان د ځان څخه دفعه کړي او و يې شړي.

۳ – دومره اخلاق ونلري چي په هغه باندي د خلګو سره ګزاره او سازش وکړي.

www.taleemulislam.net