لیکنه: زینب دُورانۍ/ تعلیم الاسلام ویب پاڼه
څنګه ښه او غوره شخصیت ولرو
د ښه شخصیت جوړولو لپاره اړینه ده چي ځان ته لومړیتوب ورکړو، باید د ځان سره مینه ولرو، که د ځان سره مینه ونه لرو نو باید توقع ونه ساتو چي کاینات دي موږ خوښ کړي او موږ ته دي خوښي راکړي. د ځان سره د میني کولو او ځان ته د ارزښت ورکولو لپاره باید څو لارښووني عملي کړو چي په لاندي ډول دي.
۱_ د ځان رازونه دي له ځان سره وساته؛ ته چي خپل رازونه نه سې ساتلای نو بل څوک به یې څنګه محفوظ وساتي.
۲_ د خوښۍ په وخت کي سمدستي محفلونه مه جوړوه، او د خفګان په وخت کي بنده ته شکایتونه مه کوه، ځکه ستا مشکلات د الله د ارادې بغیر هیڅ څوک هم نه سي حل کولای.
۳ _ کله کله انسان خبري کولو ته ضرورت لري، ذهن او زړه یې د خبرو څخه ډک وي، نو په داسي وخت کي د مخلوقاتو د خالق سبحانه وتعالی سره خبري وکړه، لمونځ وکړه، الله پاک ته هغه هر څه ووایه چي په زړه کي دي وي، که کوم وخت ضرورت وو نو ورته و ژاړه خو بل چاته شکایات مه کوه، د شکایت څخه مطلق ځان وساته.
۴_ د خلګو سره د خپل شخصي ژوند په اړه خبري مه کوه، صرف د نږدې ملګرو سره بعضي شیان شریک کوه، نور نه.
www.taleemulislam.net
