لیکنه: علي الله متوکل/ تعلیم الاسلام ویب پاڼه

د نن تر ټولو بده نشه

 دا نشه تر سیګریټو او نسوارو هم خطر ناکه ده. ٧٨ سلنه خلک په دې نشه اخته دي. 

خلک د ناستي په نشه اخته دي، حرکت نه کوي.

٨ ساعته د خوب په ځای کي پروت وي.

٨ ساعته په وظیفه یا دوکان کي ناست وي.

دوه ساعته د خوراک او څیښاک لپاره ناست وي.

تګ راتګ په موټر یا موټر سایکل باندي کوي. 

او....

چي مکمل حساب ورته وکړې، نو په ټوله ورځ کي فقط شل یا دېرش دقیقې حرکت کوي.

زیانونه ئې بېخي ډېر دي:

- د وزن زیاتېدل؛ زیات خلک مو چاغ دي.

- د شکري او زړه په ناروغۍ اخته کېدل.

- د ویني چربي زیاتېدل او د سرطان په ناروغۍ اخته کېدل.

- غیر نارمل عصبي توازن. 

او....

څه باید وکړو؟

دې لاندي کارونو کي یو یا دوه خامخا وکړه:

- وظیفې او دوکان ته پر بایسکل یا په پښو ولاړ سه؛

- یا یو ساعت د ورځي قدم ووهه؛

- یا یو ساعت سخت ورزش وکړه.

www.taleemulislam.net