تازه سرليکونه
د (نکاح) نورې ليکنې
تازه سرليکونه
بېلابېلې ليکنې
وکيل او عام او خاص وکالت
 
  February 8, 2012
  0

وکیل

هر عاقل او بالغ نارینه او ښځه کولای سي چي په خپله خوښه د خپلي نکاح تړون پخپله وتړي ، دا ډول کسان که د خپلي نکاح د تړلو واک او اختیار بل چا ته ورکړي ، څو هغه د ده د نکاح ایجاب یا قبول وکړي هغه ته وکیل وایي .
وکیل هم باید داسي څوک وي چي هغه ته په شریعت کي وکالت ورکول کېدلای سي .

کوم کس چي بل چا ته د خپل کار وکالت ورکوي هغه ته مُوَكِّلٌ وایي .
وکیل ته چي څونه اختیار ورکول سوى وي په هغه
اندازه د خپل مُوَكِّلٌ استازیتوب کولای سي .

عام او خاص وکالت
وکالت دوه ډوله دى ، عام وکالت او خاص وکالت ، د نکاح په تړون کي عام وکالت دې ته هم ویلای سو چي یو څوک بل چا ته اختیار ورکړي او ورته ووایي چي د یوې ښځي سره زما نکاح را وتړه ، پدې صورت کي د وکیل وکالت عام دى د هري ښځي سره چي نکاح ور وتړي نکاح یې صحیح او لازمیږي .

د نکاح په تړون کي خاص وکالت داسي هم کېدلای سي د مثال په ډول د یوې نجلۍ شیریني ورکول سوې وي د دسمال پر مهال چي څه وخت نکاح تړل کیږي ښځه خپل وکالت یو چا لره ورکړي ، دا وکالت خاص دى دا وکیل فقط د هغه هلک سره د دې نجلۍ نکاح تړلای سي کوم چي ترمخه يې شیریني هغه ته ورکول سوې ده ، اوس يې دسمال ورکوي .

 که وکیل د خپلي مُوَكِّلٌي نکاح د همدغه نفر څخه پرته د بل چا سره وتړي نکاح یې نه لازمیږي ، ځکه وکیل ته د ښځي له خوا د دې معلوم نفر څخه پرته د بل چا سره د نکاح تړلو اختیار نه دى ورکول سوى .
وکیل فقط دونه کولای سي څونه چي اختیار ورکول سوى وي . د وکیل هغه تړون چي د مُوَكِّلٌ لخوا یې اجازه ورکول سوې نه وي پر مُوَكِّلٌ نه لازمیږي .

ماخذ: فقه المبتدي، دوهم ټوک- نکاح

تبصره
يو نوم خامخا وليکئ.دغه نوم تر ٤٠ تورو زيات دى.
برېښناليک خامخا وليکئ.دغه برېښناليک تر ٤٠ تورو زيات دى.دغه برېښناليک باوري نه دى!.
متن خامخا وليکئ.متن تر وروستي بريده رسېدلى دئ.

  که نه لوستل کېږي دلته کليک وکړئ.  

سرته