لیکنه: مولوي نورالحق مظهري/ تعلیم الاسلام ویب پاڼه

د شرعي حدودو او تعزيراتو ځيني فايدې 

پر شرعي حدودو او تعزيراتو  ډېري فايدې او ګټي مرتبي دي چي ځيني يې په لاندي ډول دي:

۱ - د حدودو او تعزيراتو په اجرا باندي جنايتکار انسان تأديب او اصلاح کيږي او نور خلک عبرت ورڅخه اخلي. 

۲ - هغه کسان چي سپين سترګي دي او تبليغ نه اوري هغوی په حدودو او تعزيراتو رټل کيږي او د دې سبب جوړيږي چي د جرمونو څخه لاس واخلي.

۳ – د حدودو او تعزيراتو په عملي کولو سره عدل قائميږي کوم چي په ټولنه کي د نظام اصلي دنده او وظيفه او د خلکو غوښتنه او اړتيا ده.

۴ – د حدودو او تعزيراتو په عملي کولو سره په ټولنه کي امن راځي ځکه چي څومره د جرمونو گراف کميږي په هماغه کچه امنيت او آرامي منځ ته راځي.

۵ – په دې خاطر چي په جرمونو کي مظلومان زوريږي او د هغوی حقوق پر پښو لاندي کيږي نو د حدودو او تعزيراتو په عملي کولو سره چي د جرمونو مخه نيول کيږي د مظلومانو زړونه آراميږي، سکون ورته حاصليږي او سترګي يې يخيږي. 

www.taleemulislam.net