لیکنه: مولوي نورالحق مظهري/ تعلیم الاسلام ویب پاڼه

د عقل له نظره د محجبې ښځي ځانګړتياوي

که سړی د عقل په چوکاټ کي اسلامي حجاب ته ځير سي او په غور سره يي وڅېړي نو پر دې خبره به يې يقين راشي چي حجاب د ښځي لپاره د ژوند محدوديت نه بلکي د ژوند لذت، عزت او د پت ساتنه او حفاظت دی، په حجاب باندي د ښځي اصلي او فطرتي ارزښت خوندي کيږي او په ټولنه کي يې د پوره اهميت ساتونکی او پالونکی دئ.

دا په تجربه او مشاهده باندي ثابته شوېده چي هغه ښځي چي اسلامي حجاب لري نسبت و هغو ښځو ته چي اسلامي حجاب نه لري د خپل ژوند په خوند باندي ښه پوهيږي، او نسبت و بې حجابو ښځو ته يې ژوند د سکون او آرامۍ څخه ډک وي.

په څودليله:

په تجربه او مشاهده باندي.

محجبه ښځه ديني جذبات او ايماني معنويات لري.

محجبه ښځه د عبادت څخه خوند اخلي چي په نتيجه کي ورته سکون او آرامي پيداکيږي.

په محجبې ښځي پسې سم خلک منفي خبري نه کوي.

محجبه ښځه د ازواج مطهراتو او پتمنو صحابياتو د سپيڅلي لاري لاروۍ ده.

مجبه ښځه د شيطان د وسوسو او دسيسوڅخه په امان وي چي په نتيجه کي ورباندي نفس غلبه نشي کولای.

محجبه ښځه د فساقو او فجارو د خولۍ او لاس څخه په امان وي.

محجبه ښځه هيڅ وخت دېته نه حاضريږي چي د پرديو سره اړيکه ونيسي او يا ورسره بانډار وکړي.

پر محجبې ښځي باندي هيڅ وخت د خاوند او يا د دې د کورنۍ باور نه خرابيږي.

محجبه ښځه تل د خپل کور په ژوند  باندي قانع وي که څه هم د ژوند اسانتياوې پکښې لږ وي.

محجبه ښځه کور ته تر بازار او دباندي ترجيح ورکوي، نو ځکه د خپل کور کار که هر څومره ستړی هم وي په ډېر شوق سره کوي او خپلي کورنۍ دندي ته پوره ژمنتيا لري.

محجبه ښځه خپلي لوڼي ښه پاکي روزلی او جوړولی شي.

محجبه ښځه دکفارو او غربيانو څخه تقليد نه کوي.

پرمحجبې ښځي باندي ملایکي لعنت نه وايي.

محجبې ښځي ته په خپل ايمان او مسلمانۍ کي شک نه پيداکيږي.

د محجبې ښځي په حجاب باندي په ټولنه کي د ډېری اخلاقي فساد مخه نيول کيږي چي په نتيجه کي نيک او ښه خلک ورته دعاکوي او ښځي ته پر نيکۍ باندي د مرسته کوونکي ثواب رسيږي.

www.taleemulislam.net