که چیري قیامت کي ستاسو کړه، وړه خلکو ته وښودل سي؟
ژباړه او زیاتونه: عبدالرحیم راشد/ تعلیم الاسلام ویب پاڼه
حضرت ډاکټر عبدالحي عارفي رحمه الله فرمایي: که د قیامت په ورځ الله تعالی تاته ووایي، چي تا د دوزخ څخه ژغورم او جنت ته دي داخلوم، مګر په یوه شرط هغه دا چي تا په دنیا کي څه اعمال کړي وي هغه که نېک کړه، وړه وي که بد ستا مور و پلار، وروڼو، خویندو او ملګرو ته ښکاره کوم، نو آیا دغه کس به دې شرط منلو ته غاړه کښېږدي؟
حضرت ډاکټر صاحب وویل: کېدای سي چي دغه کس د دوزخ اور غوره کړي او دا خوښ نه کړي چي دده د دنیايي ژوند کړه، وړه خلکو ته وښودل سي.
نو ای انسانه! کله چي ته دا نه غواړې چي خپل هغه کړه، وړه چي دنیا کي دي کړي دي ستا خپلوانو او ملګرو ته وښودل سي، نو بیا څنګه د خپل لوی او مهربان څښتن عزوجل نافرماني کوې؟
هغه مهربان څښتن چي دنیا کي یې په ډول، ډول نعمتونو نازولې یې؛ بیا هم ته ترې سرغړونه کوې؟
نو وروره او خوري! راځئ چي نور د الله تعالی د نافرمانۍ څخه لاس واخلو، د الله تعالی او د هغه د رسول حضرت محمد صلي الله علیه وسلم په ارشاداتو قدم واخلو.
الله تعالی دي موږ او ټول امت مسلمه د خپلي نافرمانۍ څخه وساتي.
آمین
www.taleemulislam.net
