لیکنه: محمد نبي سلطاني/ تعلیم الاسلام ویب پاڼه

د الله تعالى د پېرزوينو وړ کسان

څوک چي پر ښو امر او  له منكر څخه مخنیوی کوي،  لمونځ قائموي،  زكات وركوي،  د الله او د هغه د پيغمبر اطاعت كوي، په خپل لمانځه كي خشوع كوي، له بېهوده او خوشي كارونو ځان ساتي؛ زکات ورکوي؛ خپل عورتونه ساتي؛  او.... د الله جل جلاله د رحم او پير زویني وړ کسان دئ، پر دغو کسانو به الله جل جلاله هم رحم کوي او هم پیرزوینه، لکه څنګه چي فرمايي: 

وَالْمُؤْمِنُونَ وَالْمُؤْمِنَاتُ بَعْضُهُمْ أَوْلِيَاء بَعْضٍ يَأْمُرُونَ بِالْمَعْرُوفِ وَيَنْهَوْنَ عَنِ الْمُنكَرِ وَيُقِيمُونَ الصَّلاَةَ وَيُؤْتُونَ الزَّكَاةَ وَيُطِيعُونَ اللّهَ وَرَسُولَهُ أُوْلَئِكَ سَيَرْحَمُهُمُ اللّهُ إِنَّ اللّهَ عَزِيزٌ حَكِيمٌ. (سورت، التوبه: ایة، ۷۱) 

ژباړه: او باايمانه نارينه او باايمانه ښځي؛ ځيني ئې د ځينو نورو دوستان دي، پر معروف امر كوي، له منكر څخه منع، لمونځ قائموي، زكات وركوي او د الله او د هغه د پيغمبر اطاعت كوي، همدا كسان دي چي ډېر ژر به الله پر دوى رحم وكړي، يقيناً چي الله باحكمت عزتمن دئ. 

www.taleemulislam.net