د (نکاح) نورې ليکنې
تازه سرليکونه
بېلابېلې ليکنې
د ارتداد حكم
په مېړه او ماینې کي که هر یو العیاذ بالله مرتد سي يعني د اسلام دین پرېږدي او د کفر دین ته واوړي نو د دوى تر منځ چي نکاح وه هغه له منځ څخه ځي ، یو د بل څخه پردی کیږي .
د ارتداد له کبله چي د ماینې او مېړه تر منځ فراق او بیلتون راځي هغه د طلاق حکم نه لري .
که په مېړه او ماینه کي هر یو په خپل منځ کي تر خلوت کولو وروسته ، یا د واده څخه وروسته مرتد سي نو ښځه د پوره ولور حق لري .
که سړی د خلوت ، یا واده څخه ترمخه مرتد سي بیا يې ښځه د ټاکل سوي ولور نیمی حق لري .
که ښځه د خلوت او یا واده څخه ترمخه مرتده سي نو بیا د ولور حق بیخي نه لري .
مېړه او ماینه که په یو ځایي ډول یو ځلي مرتد سي او بیا بیرته دواړه اسلام قبول کړي نو د دوى تر منځ هغه مخکنۍ نکاح اوس هم صحیح ده .
مرتد د ارتداد په حالت کي نه د مسلماني ښځي سره نکاح تړلای سي او نه د کافري او مرتدي ښځي سره نکاح تړلای سي .
همدا حکم د مرتدي ښځي هم دى ، مرتده ښځه هم د ارتداد په حال کي د هیڅ مسلمان او کافر سره نکاح نسي تړلای .
ماخذ: فقه المبتدي، دوهم ټوک- نکاح
ورته ليکنې:
تبصره
