تازه سرليکونه
د (چاڼ سوي مضامين) نورې ليکنې
تازه سرليکونه
بېلابېلې ليکنې
د حقيقت ورځ
  تعلیم الاسلام ویب پاڼه
  February 13, 2022
  0
رالېږونکی: اسد الله بری
 
 چې پلو له مخه لېرې د هر چا شي
دا رنګينې جامې څيرې د ريا شي
 
حقايق ټول رابهر شي له حجابه
پټ کارونه را څرګند زما او ستا شي
 
که رازونه که رمزونه که اسرار دي
لکه ستوري د اسمان هسې رسوا شي
 
مقصدونه ، غرضونه ، عملونه
بې پردې او بې سيرته برملا شي
 
د تلبيس ښايسته رنګونه ټول شي محوه
پخپل څېر ښکاره روا او نا روا شي
 
د هر چا زړه کې چې هر څه وي ليکلي
دی پخپله د هغه نقش ګويا شي
 
هغه دغه ښه او بد مخونه لوڅ کړي
توره شپه له منځه لاړه شي سبا شي
 
ليک د حق او حقيقت وي په هر لاس کې
د تيارو شپو واقعات واړه رڼا شي
 
ډېر ښايسته او سپين مخونه به تک تور وي
ډېر ښاغلي به په دغه ورځ سرتور وي
تبصره
يو نوم خامخا وليکئ.دغه نوم تر ٤٠ تورو زيات دى.
برېښناليک خامخا وليکئ.دغه برېښناليک تر ٤٠ تورو زيات دى.دغه برېښناليک باوري نه دى!.
متن خامخا وليکئ.متن تر وروستي بريده رسېدلى دئ.

  که نه لوستل کېږي دلته کليک وکړئ.  

سرته