د (فتوا حلال او حرام) نورې ليکنې
تازه سرليکونه
بېلابېلې ليکنې
فتوا: ویب پاڼې ته اسلامي ویډیو پورته کول
تعليم الاسلام دارالافتاء
د صادرې شميره : (٩۶۱)
نوم: عبدالکبير
د اوسېدو ځاى: (لندن برتانيه )
سوال : زه غواړم د اسلام مبارک دين له پاره داسي خدمت وکړم چي د انټرنيټ له لاري وي، نو زه غواړم چي ويب پاڼي ته اسلامي انځورونه او ويډيو ګاني پورته کړم چي په دې کي يوازي اصلاحي پروګرامونه وجود لري، لکه تلاوتونه، د اسلامي علماوو مناظرې، د ښځو مسلمانېدل او داسي نور... ايا داسي انځورونه او ويډيوګانو اجازه سته او که نه؟
جواب :
حامداً و مصلياً
د انټرنيټ له لاري دين ته خدمت کول جائز او موجوب د ثواب دى، البته دين ته د خدمت طريقه هم بايد ديني او مشروع وي. انځورونه او ويډيوګاني د ښځينو وي او که د نارينو اصلاحي وي او که غير اصلاحي جوړول، نشرول او کتل ئې علماء کرام ناجائز او حرام بولي.
د ويډيو حکم هم د انځور( تصوير) دى لهذا تاسي کولاى سي چي ويب پاڼي ته اصلاحي تقريرونه، وعظونه، تلاوتونه او داسي نور پورته کړي او ځان د اسلام په خادمانو کي داخل کړی. د انځورونو او ويډيوګانو د پورته کولو څخه ډډه وکړئ، او پر ځاى ئې نور اخلاقي شيان پورته کړی.
ــــــــــــــــــــــــــــــــــــــــ
(١): د زيات تفصيل لپاره وګورئ. آپ کے مسائل: ج٨، ص٤٢٨، بياتر ٤٤٦ پوري. للشیخ علامه مفتي محمد یوسف لدهیانوي رحمة الله علیه
فتاوي عثماني: ج١، ص١٨٤، ١٨٥، ١٨٦، للعلامه مفتي محمد تقي العثماني مکتپه معارف القران کراچي.
فتاوي حقانية: ج٢، ص٤٣٢، ، للعلامة الشیخ عبدالحق رحمه الله (شیخ دارالعلوم دیوبند- هند) دارالعلوم حقانية.
فتاوي محمودية: باب الصورة والملاهي والفصل الثالث في الملهى والتلفزيون. ج١٩، ص٤٦٩، څخه بيا تر ٥٢٧ پوري، للعلامة مفتي محمود حسن ګنګوهي رحمة الله علیه (مفتي سابق دارالعلوم دیوبند-هند). ادارة الفاروق.
جواهر الفقه: ج٧، ص١٨١، څخه بيا تر ٢٨٢ پوري. للعلامة مفتي محمد شفیع رحمة الله علیه (مفتي سابق دارالعلوم دیوبند-هند)
جواب: مولوي سيد عبدالباري
الجواب صحيح: مولوي عبدالهادي اغا و مولوي عبدالغفار حسيني و مولوي رفيع الله
تعليم الاسلام دارالافتاء
کندهار افغانستان
ورته ليکنې:
تبصره
