پوښتنه: د څلور رکعتيزه لمانځه په اوله ناسته کی د التحياتي يعني تر عَبْدُهُ وَرَسُوْلُهْ اضافه بل څه ويل سجده سهوه لازموی که يا ؟  

جواب: په عالمګیری که یی دا مسئله داسي ذکر کړیده وایی که څوک په اوله ناسته کی په سهوه باندی التحیات تکرار کړی یعنی دوهم ځلی یی بیا شروع کړی نو...

د پوښتني کوونکي نوم: حليم حيران 

جواب: په عالمګیری که یی دا مسئله داسي ذکر کړیده وایی که څوک په اوله ناسته کی په سهوه باندی التحیات تکرار کړی یعنی دوهم ځلی یی بیا شروع کړی نو د لمانځه په اخیره کی به د سهوي سجده کوي . او که چیری د التحیات وروسته په دې گمان چي دا يي اخره ناسته ده درود شروع کړی په دې مسئله کی چه په څومره اندازه ځنډ او درود ويلو د سهوي سجده لازميږي زمونږ د علماؤ اختلاف دی ځنی علماء وایی که څوک د عبده ورسوله څخه وروسته اللهم صل علی محمد په هیره ووایی نو هغه دي د لمانځه په اخیره کي د سهوي سجده وكړي.

 او ځنی وایی که اللهم صل علی محمد و علی آل محمد ووایی هلته بیا د سهوي سجده لازمیږی. زمونږ علماء كرام چي په اوله ناسته كي تر تشهد يعني تر التحياتي وروسته په سهوه د درود په ويلو د سهوي سجده لازمه گڼي د هغه وجه دا ده چي د رسول الله صلی الله علیه وسلم څخه د اولي ناستي اندازه فقط د التحياتي د ويلو په اندازه رانقل سوې ده كه څوك تر همدغه مقدار زياد په سهوه كښيني نو بايد د سهوي سجده وكړي. 

د تعلیم الاسلام مجلې د لومړی ګڼې څخه