د (ليکنيزي پوښتني) نورې ليکنې
تازه سرليکونه
بېلابېلې ليکنې
فتوا: د اولاد کېدو لپاره مجربه طریقه څه ده؟
تعليم الاسلام دارالافتاء
مسلسله شمېره : (۴۳)
نوم: خورکۍ
سوال : زه اولادونه نه لرم نو اوس د اولاد ډېر زیات ارمان لرم، نو که چیري یو شرعي طریقه (دعاء یا بل شی) راوښیاست چي ما ته الله تعالی اولاد راکي.
جواب :
ددې شرعي طریقه د الله جل جلاله څخه دعاء غوښتل دي، خپله عاجزي، انکساري او بې وسي ښکاره کول او په ډېر ښه امید د الله جل جلاله څخه اولاد غوښتل د انبیاوو علیهم السلام سنت طریقه ده. (۱)
حضرت زکریا علیه السلام په ضعیف عمر کي الله تعالی ته د اولاد لپاره زارۍ وکړې نو الله جل جلاله يې دعاء قبوله کړه، هغه دعاء داسي ده: رَبِّ هَبْ لِي مِنْ لَدُنْكَ ذُرِّيَّةً طَيِّبَةً إِنَّكَ سَمِيعُ الدُّعَاءِ (۲)
همدغه دعاء ډېره وایه، مجربه دعاء ده، کېدای سي الله جل جلاله اولاد درکړي.
جواب: مولوي سید عبدالباري
الجواب صحیح: مولوي عبدالهادي آغا
ــــــــــــــــــــــــــ
(۱): معارف القران، ج۲، ص۶۰
(۲): سورة آل عمران، ایت ۳۸
ورته ليکنې:
تبصره
