د (چاڼ سوي مضامين) نورې ليکنې
تازه سرليکونه
بېلابېلې ليکنې
محصلینو ته نصیحت: د نیت اصلاح (۱)
لیکنه: استاذ عبدالسمیع شنواری / تعلیم الاسلام ویب پاڼه
أخلاق:
په قاموس أطلس کی اخلاق داسی راپیږنی: اخلاق یعنی د چلند طریقه ( رویه) (۱)
مکارم الاخلاق: یعنی نیک اخلاق ( هغه اخلاق چی ښه او د ښه صفت وړ وي )
د اخلاقو علم: و هغه علم ته ویل کیږی چی د هغه علم د لاری موږ ښه او بد اعمال پیژنو.
اول نصیحت:
په نیت کي اخلاص
تر ټولو مهم او اول باید په نیت کی رښتنوالی، اخلاص او صداقت وی، لکه څنګه چی رسول الله صلی الله علیه وسلم فرمائي:
( إنما الأعمال بالنيات و إنما لكل إمرء ما نوى ) (۲).
ژباړه: ستاسو اعمال ستاسو په نیتونو باندی اړه لری.
د اسلام په مبارک اوپاک دین کی د نیت اهمیت دونه زیات دی چي یو څوک کولای سي چي ټوله عبادات د نیت د خراب والي په خاطر خراب کړي او قبولیت ته و نه ورسیږي او یو څوک کولاسي چي د نیت سموالي په خاطر ټولنیز ژوند هم په عبادت بدل کړي.
ګرانو محصلینو! که چیري د دواړو جهانو کامیابي لاسته راوړل غواړی نو د علم زده کول د نیک او ښه هدف لپاره کوی، او د نور علومو په پرتله د دیني علمو په زده کړه کي باید ډیر کوښښ وسي، خصوصاُ هغه اعمال چي موږ ډیر او روزمره اړتیا ورته لرو لکه، لمونځ روژه، د والدینو حقوق، ټولنیز خدمت، او داسي نور، او د دیني علم د زده کړي په اړه رسول الله صلى الله عليه و سلم فرمائي: ( من يرد الله به خيراً يفقه في الدين ) (۳)
ژباړه: الله جل جلاله چي په چا سره خیر رسول و غواړي نو و هغه ته دین ور زده کړي.
لکه څنګه چي مو مخکي اشاره ورته وکړه چی د علم زده کړه باید د یو نیک او ښه هدف د پاره وي او نیک او ښه نیت درلودل د کامیابۍ او د الله جل جلاله د رضا سبب او باعث جوړیږي، بلکي د همدغه لاري په تعقیبولو سره یو محصل کولاسي، چي و جنت ته ځان ورسوي، لکه رسول الله صلى الله عليه و سلم چي فرمائي:
( من سلك طريقاً يلتمس فيه علماً سهل الله له به طريقاً إلى الجنة ) (۴)
ژباړه: او کوم شخص چي د علم په لټه پر کومه لاره ځي نو الله تعالی به وده ته د جنت لاره اسانه کړي.
(مَنْ خَرَجَ فِیْ طَلَبِ الْعِلْمِ فَهُوَ فِی سَبِيْلِ اللهِ حَتَّی يَرْجِعَ) (۵)
ژباړه: څوک چه د علم حاصلولو په غرض، د کوره ووځي تر بيرته راګر ځيدلو پوري د پاک خدای په لاره کې دی (تګ او راتګ يې ټول په ښيګڼو کښې شميرل کېږي ).
------------------
ماخذونه:
(۱): قاموس أطلس .
(۲) رواه البخاری، باب بدء الوحی، ح د، رق: 1.
(۳) رواه البخاری، کتاب العلم، ح د، رق: 71.
(۴) رواه الترمذی: باب فضل طلب العلم، ح د، رق : 2646.
(۵) مشكاة المصابيح ح د، رق: 220، رواه الترمذي ح د، رق : 2647 .
ورته ليکنې:
تبصره
