تعلیم الاسلام ویب پاڼه

هغه کسان چي د اضحیې یا اختري کولو اراده لري د هغو لپاره دا مستحب ده چي د ذوالحجې د اول تاریخ څخه بیا د اضحیې تر ورځي پوري نوکان او ورېښتان وانه خلي، دا یو مسنون عمل دی (په دې عمل سره د حاجیانو سره یو ډول مشابهت راځي).

علامه مفتي محمد شفیع رحمة الله علیه لیکي:

ایا الله تعالی به موږ د حج د ثوابونو څخه صرف په دې محروم کړي چي موږ پیسې نلرو؟ ایا د عرفات د رحمتونو څخه به صرف په دې محروم کړل سو چي زموږ (د مریضۍ یا غریبۍ) حالت د تللو اجازت نه را کوي؟! داسي نه سي کېدلای! بلکي الله تعالی غواړي تاسو هم د حج په رحمتونو کي شامل کړي. البته یو څه توجه او غور غواړي، هغه دا چي د حاجیانو سره مشابهت اختیار کړئ، خپل شکل او صورت یو څه د حاجیانو په څېر کړئ (نوکان او ورېښتان مه اخلئ، اضحیه وکړئ، روژې ونیسئ، اذکار او تکبیرات ووایاست)، په دې ډول به الله تعالی په خپل فضل سره موږ هم په خپلو رحمتو کي شامل کړي .

ان شاءالله.

(اصلاحي خطبات ج۲، ص )