رسول اللهﷺ چي څه مهال مدینې منورې ته تشریف راوړی نو شپاړس یا اوه لس میاشتي يې لمونځونه د بیت المقدس و خوا ته کول ، بیت المقدس د مدینې منورې د شمال خوا ته راځي او مکه مکرمه بیا د مدینې منورې و جنوب خوا ته راځي.

امام بغوي رحمه الله په معالم السنن کي وايي : په مدینه منوره کي لومړی لمونځ چي رسول الله ﷺد کعبې پر لور کړی دی هغه د مازیګر لمونځ وو ، د بدر څخه دوې میاشتي وړاندي د رجب په میاشت کي قبله د بیت المقدس څخه و کعبې ته وګرځیده .

رسول اللهﷺ د جماعت پر لمانځه ولاړ وو چي قبله د کعبې و خوا ته وګرځېدله په هغه لمانځه کي رسول اللهﷺ او ورسره مقتديان د کعبې وخوا ته را وګرځیدل ، همدا مسجد د مسجد قبلتین په نامه یادېږي .

ماخذ: د حج ښه ملګری