د مسواک ارزښت او فايدې

لیکنه : مولوي نورالحق مظهري/تعلیم الاسلام ویب پاڼه

عن عایشة قالت: قال رسول الله صلى الله عليه و سلم: السواك مطهرة للفم مرضاة للرب.[صحيح ابن خزيمة135]

ژباړه: د حضرت عایشې رضي الله تعالي عنها څخه روايت دی چي رسول اکرم صلي الله عليه وسلم و فرمايل: مسواک د خولې پاکوونکی دی، او د الله خوشالوونکی دی.

د مسواک په وهلو باندي رسول اکرم صلي الله عليه وسلم ډېر ټينګار کړی دی، په بل حديث کي راځي: لولا أن أشق على أمتي لأمرتهم بالسواك عند كل صلاة.[صحيح ترمذي 23] يعني که زما پر امت باندي سخته نه تمامېدلای نو ما به دوی امر کړيوای چي د هر لمانځه سره يې مسواک وهلی وای.

داغسي نور ډير احاديث په فضيلت کي د مسواک وهلو راغلي دي.

او دا چي په حديث کي راغلي: مسواک د خولې پاکوونکی دی دا ځکه چي يو خو مسواک د انسان د خولې بدبویي ايسته کوي، او د بلي خوا مسواک د انسان خوله د ډيرو ناوړو ناروغيو څخه ساتي.لکه چي په ردالمحتار کي يې په څو دانو تصريح کړې:

۱.  خوله پاکه وي.

۲.  الله پاک خوشحاله کوي.

۳.  ملایکي خوشحاله کوي.

۴.  سترګي روښانه کوي او ديد يې ډيروي.

۵.  د خولې بد بوی، او د غاښونو کنډي رنډي ورک کوي.

۶.  غاښونه سپينوي.

۷.  اوبرۍ ټينګوي.

۸.  ډوډې هضموي.

۹.  بلغم پرېکوي.

۱۰.  د لمانځه ثواب څو چنده کوي.

۱۱.  د قرآن لاره (ستونی) پاکوي.

۱۲.  فصاحت ډېروي.

۱۳.  معده قوي کوي.

۱۴.  شيطان په خښم کوي.

۱۵.  نيکۍ ډېره وي.

۱۶.  ژړی ورک کوي.

۱۷.  د سر رګونه آراموي.

۱۸.  د غاښو درد آراموي.

۱۹.  خوله خوشبويه کوي.

۲۰.  د ځکندن په وخت کي د روح وتل آسانه کوي.

ماخذ : اسلامي مقالي

www.taleemulislam.net