سوال : که څوک د شرابو چښولو ګناه ترسره کړی نو ددې ګناه شرعي سزا څه ده؟

د سوال کونکي نوم:  سمندر خان پاڅون کاناډا.

 جواب : د شرابو ( خمر ) لږ او ډېر چښل په قطعي ډول حرام دي ، او د شرابو چښتل د هغو لويو جرمونو د جملې څخه دي چي لکبله يې د دې جرم پر کونکي په دنيا کي هم حد جاري کيږي ،   الله جل جلاله فرمايلي دي :؛ يَا أَيُّهَا الَّذِينَ آَمَنُوا إِنَّمَا الْخَمْرُ وَالْمَيْسِرُ وَالْأَنْصَابُ وَالْأَزْلَامُ رِجْسٌ مِنْ عَمَلِ الشَّيْطَانِ فَاجْتَنِبُوهُ لَعَلَّكُمْ تُفْلِحُونَ (٩٠ البقرة ) ژباړه : اې هغو کسانو چي ايمان مو راوړى دى ! يقينا چي شراب چښل ، خمار کول ، د بتانو عبادت کول او په غشو قسمت معلومول ډېر ناوړه د شيطان د کارونو څخه دي نو تاسو ځانونه ځني گوښه کوئ ، ښايي تاسو به کامياب او برى ومومى . د شرابو څخه علاوه نور هر ډول الکحلولي نشه کونکي مشروبات او چيښاک کوم چي د مستۍ او خوند  اخيستني د پاره چښل کيږي هم حرام دي ځکه څه مهال چي رسول الله ابوموسي يمن ته ليږى نو أَبُو مُوسَى وويل : يَا نَبِيَّ اللَّهِ إِنَّ أَرْضَنَا بِهَا شَرَابٌ مِنْ الشَّعِيرِ الْمِزْرُ وَشَرَابٌ مِنْ الْعَسَلِ الْبِتْعُ فَقَالَ كُلُّ مُسْكِرٍ حَرَامٌ (بخاري)

ژباړه : اې د الله نبي ! زموږ په وطن کي د مرز په نامه شراب دي د وربشو څخه جوړيږي او د بتع په نامه شراب دي چي هغه بيا د عسلو څخه جوړيږي، رسول الله ورته وويل: هر نشه کونکي چښاک حرام دي

تعلیم الاسلام مجله، ۶ ګڼه- د دارالافتاء څانګه