سوال: ږيره پرېښول څه حکم لري، او خريل يې کبيره ګناه ده او که صغيره ګناه ده؟
د سوال کونکي نوم: محمد جان
ځواب: د ږیري غټول واجب او د ټولو نبیانو او رسولانو تګ لاره ده او خریل یې فسق او د ګناه کار دی . عَنْ ابْنِ عُمَرَ عَنْ النَّبِيِّ صَلَّى اللَّهُ عَلَيْهِ وَسَلَّمَ قَالَ خَالِفُوا الْمُشْرِكِينَ وَفِّرُوا اللِّحَى وَأَحْفُوا الشَّوَارِبَ وَكَانَ ابْنُ عُمَرَ إِذَا حَجَّ أَوْ اعْتَمَرَ قَبَضَ عَلَى لِحْيَتِهِ فَمَا فَضَلَ أَخَذَهُ ( بخاري ) ژباړه :
امام بخاري رحمة الله عليه د ابن عمر رضي الله عنهما څخه روايت کوي وایي نبی الله صلی الله علیه وسلم فرمايلي دي: تاسو د مشرکانو څخه مخالفت کوئ، ږيري مو غټوئ او برېتونه مو کوچني کوئ.
او ابن عمر رضي الله عنهما ، چي به څه وخت حج يا عمره کول، نو ده به خپله ږيره په موټ کي نیول کوم ورېښتیان چي به تر قبضې اوږدېدل هغه به يې ځيني غچي کول. نو ږيره پرېښودل د ټولو انبياؤ علیهم السلام سنت طريقه ده او هم يو واجبي حکم دى. البته تر قبضې څخه اضافي غچي کول د ابن عمر رضي الله عنهما د عمل څخه ثابت دي جواز لري . په ردالمحتار کي د نورو کتابونو په شمول وایي : وأما الاخذ منها وهي دون ذلك كما يفعله بعض المغاربة، ومخنثة الرجال فلم يبحه أحد اه ملخصا.ژباړه :: تر قبضې کمه ږیره غچي کول چا هم جایز نه ده بللي لکه څه ډول چي ځيني مغربي او نر ښوځکي نارینه یې کوي .
د تعلیم الاسلام مجلې د دريمي ګڼې څخه
